Aýa raıy
Astana -6 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Ózgeris sárýarlary: 20 áleýmettik joba tolyq akseleratsııadan ótti

2020 jyldyń 25 qarasha 2020 14:15

NUR-SULTAN. QazAqparat – IX Azamattyq forýmda «Rýhanı jańǵyrý» QQDI» KEAQ Basqarma tóraǵasy Danııar Esın áleýmettik jobalardy irikteý jumysy týraly aıtyp berdi, dep habarlaıdy QazAqparat tilshisi.

«Rýhanı jańǵyrý» qazaqstandyq qoǵamdyq damý ınstıtýty – qoǵamdyq sanany jańǵyrtý reformasynyń júıeli jumysyn iske asyratyn úılestirýshilerdiń biri, onyń negizinde Elbasynyń baǵdarlamalyq maqalasynyń qoǵamdyq sanany ózgertý arqyly HHІ ǵasyrdaǵy qazaqstandyqtardyń ulttyq sanasyn aıqyndaýǵa arnalǵan negizdemesi jatyr. «Rýhanı jańǵyrý» baǵdarlamalyq maqalasy týraly biryńǵaı túsiniktiń bolýy óte mańyzdy. Bizdiń azamattardyń sanasynyń ózgerýi qoǵamdaǵy sananyń ózgerýine ulasady, memleketimizdiń básekege qabiletiniń damýyna yqpal etedi», - deıdi «Rýhanı jańǵyrý» ınstıtýtynyń basshysy.

Onyń aıtýynsha, «Rýhanı jańǵyrý» baǵdarlamasyn nasıhattaý úshin «Ózgeris sárýarlary» áleýmettik jobalaryn iske asyrý bastaldy.

«Biz ózgeristerdiń 20 kóshbasshy-elshileri pýlyn daıyndaýǵa jáne osy arqyly tıimdi jobalar portfelin alýǵa tyrystyq. Bul jobalar «Rýhanı jańǵyrý» baǵdarlamasynyń negizderine sáıkes keledi jáne baǵdarlamanyń jańartylǵan sapaly mazmunyna yqpal etedi. Biz «Rýhanı jańǵyrý» baǵdarlamasynyń qaǵıdattaryn iske asyrýdy kórsetetin jobalardy tańdadyq. Qazir 200 kóshbasshyny daıyndap jatyrmyz, olar aldaǵy ýaqytta myńdaǵan adamdy qamtıdy»,- dep atap ótti Danııar Esın.

Áleýmettik jobalardy irikteý jumysy úsh negizgi kezeńnen ótti. Birinshisi – áleýmettik mańyzǵa basymdyq bere otyryp, bilim, mádenıet, sport, ekologııa, ınklıýzııa, týrızm baǵyttarynda jobalardy irikteý.

Bul joba aıasynda 120-ǵa jýyq ótinim berilip, 75-i irikteldi. 39 joba boıynsha akseleratsııada jumys júrgizildi. Nátıjesinde 39 jobanyń 20-sy tolyq akseleratsııadan ótti.

Ekinshi kezeńde jobalardy jeke júrgizýdi qamtıtyn tikeleı akseleratsııa – koýchıng, mentrıng, bilim berý modýlderi júrgizilgen.

Ár joba jeke ázirlenip, qatysýshylar óz baǵdarlamalaryn usyndy. Úshinshi kezeńde – turaqty damý úshin ekojúıeni qalyptastyrý maqsatynda jobalar biriktirildi.

«Jobany iske asyrý úshin komanda jınadyq, túrli salalardan 14 jetekshi sarapshy tarttyq, olar jobalardy damytýǵa kásibı úles qosty. Nátıjesinde belgili bir nátıje kórsetken 20 naqty jobany aldyq. Akseleratsııa baǵdarlamasynyń barlyq qatysýshylary oqytý modýlderinen ótti. Modýlderdiń óz tıimdiligi bar: steıkholderlerdiń taldaýy men basqarýy, sapany, syn-qaterlerdi, resýrstardy, kommýnıkatsııalardy jáne basqalaryn basqarý. Jalpy, atalǵan modýlder bıznes júrgizýdi, bıznes-modelder qurýdy oqytýda belsendi qoldanylady», - dedi D. Esın.


Joǵary qaraı