Aýa raıy
Astana -10 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Pandemııa elimizde vırýsologtar men epıdemıologtardyń tapshy ekenin kórsetti – JOO rektory

2020 jyldyń 20 shilde 2020 16:10

NUR-SULTAN. QazAqparat – S. Asfendııarov atyndaǵy Qazaq ulttyq medıtsına ýnıversıtetiniń rektory Talǵat Nurǵojın medıtsına salasyndaǵy maman tapshylyǵy týraly pikir bildirdi, dep habarlaıdy QazAqparat tilshisi.

«Medıtsına salasyndaǵy maman tapshylyǵy barlyq ýaqytta bolǵan, bul sala áleýmetke baǵyttalǵan. Dárigerler memlekettik mekemelerde jumys isteıdi. Ózderińiz biletindeı, taýarlar men qyzmetterdiń sapasy men qaýipsizdigin baqylaý komıteti pandemııanyń alǵashqy kúnderi epıdemıologııa, bıostatıstıka, gıgıena, vırýsologııa salalarynda qajetti mamandardy taba almady. Bul HHІ ǵasyrda ınfektsııany umytyp ketkenimizdi kórsetti. Sondyqtan, juqpaly aýrýlar aýrýhanasyndaǵy tósek-jabdyq sany da aıtarlyqtaı qysqarǵan», - dedi rektor Sybaılas jemqorlyqqa qarsy qyzmet uıymdastyrǵan onlaın kezdesýde.

Spıkerdiń aıtýynsha, bakterııaǵa qarsy kóptegen preparattar bar jáne ony jeńýge kúsh-qýat jeterlik. Al vırýstyq ınfektsııaǵa qatysty birqatar qıyndyqtar bar.

«Vaktsınatsııa nátıjesinde kóptegen ınfektsııalar joǵaldy jáne aýrýhanalardaǵy tósek-oryn sany qysqardy. Oryn azaıǵan soń dárigerlerge de qajettilik azaıady. Epıdemıologtardyń azaıýynyń sebebi de sondyqtan. Qazir vırýstyń álemdik pandemııaǵa ákep soqqanyn kórip otyrmyz. Bul qoǵamdyq densaýlyq saqtaý, ınfektsııalyq aýrýlar salasyndaǵy mamandardyń tapshy ekenin kórsetti. Onsyz da anestezıologtar men reanımatologtar jetispeıtin edi, óıtkeni olardyń jumysy – óte qaýipti. Ólim men ómirdiń arasynda jatqan naýqastarmen jumys isteıdi. Anestezıolog pen reanımatologtyń kez kelgen qyzmeti Qylmystyq kodeks turǵysynan baǵalanady. Sondyqtan da kóptegen tanymal dárigerler bul saladan ketip qaldy», - deıdi Talǵat Nurǵojın.


Joǵary qaraı