Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Pandemııa: EO elderi azamattar qozǵalysynyń biryńǵaı erejesine ýaǵdalasty

2020 jyldyń 13 qazan 2020 23:00

BRıÝSSELЬ. QazAqparat - Eýropalyq komıssııa prezıdenti Ýrsýla fon der Lıaıen koronavırýs indeti kezeńinde Eýropalyq odaq aýqymynda erkin qozǵalys quqyǵyn saqtaý jónindegi usynystardy jarııa etti, dep habarlaıdy «QazAqparat» HAA menshikti tilshisi.

Eýropalyq komıssııa basshysy Ýrsýla fon der Lıaıen búgin málimdeme jasap, onda Eýropalyq odaq indet ýaqytynda EO ishinde azamattardyń qozǵalysyn retteıtin biryńǵaı erejeniń maquldaǵanyn málimdedi. Atalǵan sharalar EO ishinde memlekettik shekaralardy kesip etý erejelerin birizdendirýge jáne eýropalyq shekaralardyń ashyqtyǵyn qamtamasyz etýge múmkindik beredi.

«Kóptegen eldiń úkimeti sońǵy aılarda sapar jasaýǵa shekteý engizip otyr. Bul olardyń bir-birinen aıyrmashylyǵy bar birqatar derbes shara qabyldaýyna túrtki boldy. Búkil Eýropalyq odaqta ártúrli túster kody, túrli krıterııler men testileýdiń jáne karantınniń alýan erejesi bar. Sizdiń qaıda saıahat jasaı alatyndyǵyńyzdy, sol jerge jetken kezde qandaı erejelerdi saqtaýyńyz qajettigi jáne úıińizge oralǵan ýaqytta qandaı erejeniń qoldanylatyndyǵy túsiný qıyndyq týdyrdy», - dedi Ýrsýla fon der Lıaıen.

Onyń atap ótýinshe, Eýropalyq odaqqa kiretin elder bul sharalardy birlese otyryp kelisýi tıis.

«Biz eýropalyqtardyń ómirin jeńildetý úshin bul sharalardy kelisýge tıispiz. Ereje aıqyn bolǵan saıyn azamattar da qıyndyqtardy erkin eńsere alady. Sondyqtan taıaýda Eýropalyq komıssııa usynys engizgen bolatyn. Ony ulttyq úkimetter qabyldaǵannan keıin, adamdardyń ómirine aıqyndyq enedi. Bizdiń usynysymyzda jalpy krıterıılerge negizdelgen ortaq túster kody bolady. Ol táýekel deńgeıine baılanysty Eýropalyq odaqtyń barlyq óńirin aıqyndaıdy. Qyzyl, qyzǵylt sary, jasyl - bul túster búkil Eýropalyq odaq úshin bir kartada kórinis tabady. Ár azamat onlaın túrde Reopen EU saıtymyzdan teksere alady», - dedi Eýropalyq kommıssııa basshysy.

Endigi ýaqytta Eýropalyq odaq azamattary «jasyl» óńirden kele jatsa, onda oǵan eshqandaı shekteý bolmaıdy. Al «qyzǵylt sary» nemese «qyzyl» óńirden kelgen saıahatshyǵa ulttyq úkimet testileýden ótýdi nemese karantınge oqshaýlanýdy ótine alady. Buǵan qosa, EO-ǵa qatysýshy elderdiń úkimetteri mundaı sharalardy engizbes buryn naqty ári ýaqytyly aqparatty usynýǵa tıis.

«Osynaý jańa júıe azamattardyń ómirin jeńildete túsedi. biz birlese otyryp ortaq sheshim tapqanymyzǵa qýanyshtymyn», - dedi Ýrsýla fon der Lıaıen.


Perevod Marlan Jıembaı
Basty sózder: Karantın, Koronavırýs, Álem, Eýropa,
Joǵary qaraı