Aýa raıy
Astana -12 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Pandemııa: Halyqaralyq valıýta qory Qazaqstannyń daǵdarysqa qarsy sharalaryn oń baǵalady

2020 jyldyń 19 qarasha 2020 12:11

ALMATY. QazAqparat –Halyqaralyq valıýta qory (HVQ) QR Ulttyq banki men Úkimetiniń koronavırýs pandemııasymen kúres jolyndaǵy daǵdarysqa qarsy sharalaryna jaqsy baǵa berdi, dep habarlaıdy QazAqparat tilshisi.

Ulttyq banktiń baspasóz qyzmetiniń málimetinshe, bıylǵy jyldyń 2-13 qarashasy aralyǵynda QR-daǵy Halyqaralyq valıýta qorynyń mıssııa basshysy Nıkolıa Blansheniń tóraǵalyǵymen HVQ qyzmetkerleriniń memlekettik organdardyń, qarjy naryǵy men kvazımemlekettik sektor uıymdarynyń ókilderimen onlaın kezdesýler ótti. Maqsat – Qazaqstannyń qazirgi qarjylyq-ekonomıkalyq damý jolyna, daǵdarysqa qarsy qoldaý sharalaryna, aqsha-kredıt jáne bıýdjet-salyq saıasatyna sholý jasaý.

Halyqaralyq valıýta qory ókilderiniń pikirinshe, Ulttyq bank pen Úkimettiń COVID-19 pandemııasy men syrtqy jaǵdaıdyń kúrt nasharlaýyna qarsy qabyldaǵan sharalary der kezinde qolǵa alynǵan sheshimder boldy. Halyqaralyq uıym tarapynan Ulttyq banktiń ınflıatsııalyq targetteý saıasatyndaǵy beıildiligi joǵary baǵalandy.

Ulttyq bank basshylyǵy men onyń quramyndaǵy negizgi departament jetekshileri HVQ ókilderimen birge pandemııanyń saldaryn talqylady. Sondaı-aq munaı naryǵyndaǵy qubylmaly baǵanyń el ekonomıkasyna tıgizip jatqan áserine toqtalyp, oǵan qarsy júrgizilip jatqan qarjy-kredıttik jáne makroekonomıkalyq saıasat pen aıyrbastaý baǵamynyń saıasatyna qatysty sharalardy sóz etti. Kezdesý kezinde ekonomıkalyq belsendilikti qaıta qalpyna keltirý boıynsha qolǵa alynǵan sharalar da aıtylyp, halyqty jáne shaǵyn jáne orta bıznesti qoldaý, qarjylyq turaqtylyqty qamtamasyz etý máseleleri de sóz boldy.

«HVQ memlekettiń pandemııanyń saldaryna qarsy qabyldaǵan sharalaryna jaqsy baǵa bere otyryp, osyndaı daǵdarys kezeńinde nyq ári ınklıýzıvti ósimge beıildiligin qoldaıdy.

HVQ mıssııasynyń kelesi otyrysy 2021 jyldyń kóktemine belgilendi», - delingen Ulttyq bank aqparatynda.


Joǵary qaraı