Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Pandemııa kezinde kásipkerden 14 mln teńge para alǵan sheneýnik sottaldy – Qostanaı

2021 jyldyń 21 qańtar 2021 19:21

QOSTANAI. QazAqparat – 14 mln teńgeni qaltasyna basqan Qostanaı oblysy bilim basqarmasynyń qyzmetkeri 10 jylǵa sottaldy. Qylmystyq istiń mán-jaıyn jýrnalısterge Sybaılas jemqorlyqqa qarsy kúres agenttigi oblystyq departamentiniń basshysy Qýanysh Bekbasov aıtyp berdi, dep habarlaıdy QazAqparat tilshisi.

«Oblystyq bilim basqarmasy bólim basshysynyń orynbasary Shýgaev sot sheshimimen asa iri mólsherde para berýge ıtermelegeni jáne aldaǵany úshin kináli dep tanyldy. Ol «ALANSinc» JShS-niń 34 565 500 teńgesin ıemdenýge áreket jasaǵan. Shýgaev bul somanyń 14 mln teńgesin alyp úlgergen. Qaǵaz júzinde JShS men bilim basqarmasy arasynda 1490 kompıýter satyp alý úshin memlekettik satyp alý sharty jasalǵan. Ol kináli dep tanylyp, 10 jylǵa bas bostandyǵynan aıyryldy. Ókinishke oraı, bul qylmys búkil el pandemııamen kúresip jatqan kezeńde jasaldy», - dep atap ótti Qýanysh Bekbasov.

Departament málimetine sáıkes, 2020 jyly sybaılas jemqorlyq qylmysynyń 90 deregi tirkelgen.

Qostanaı aýdany ákiminiń orynbasary, Qashar kentiniń ákimi, oblystyq kóliktik baqylaý ınspektsııasynyń basshysy, Altynsarın aýdany ákimdiginiń bilim bóliminiń basshysy, Qostanaı qalasy ákimdiginiń TKSh bóliminiń basshysy, Qostanaı qalasy ákimdiginiń qurylys bóliminiń basshysy para alǵany úshin isti boldy.


Joǵary qaraı