Aýa raıy
Astana -17 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Pandemııa kezinde qaıyrymdylyq pen volonterlik jalpyulttyq sıpat aldy – Bolat Tilepov

2020 jyldyń 26 qarasha 2020 14:00

NUR-SULTAN. QazAqparat – QR Aqparat jáne qoǵamdyq damý vıtse-mınıstri Bolat Tilepov pandemııa kezindegi qaıyrymdylyq pen volonterlik jumysy týraly baıandady, dep habarlaıdy QazAqparat tilshisi.

«Pandemııa kezinde qaıyrymdylyq pen volonterlik jalpyulttyq sıpat aldy. Osyǵan baılanysty Memleket basshysy Qasym-Jomart Toqaev qaıyrymdylyqqa qarajat bólý baǵytynda bıznestiń qolaılylyǵy men paıdasyn qamtamasyz etý úshin qaıyrymdylyq qyzmetin qoldaý jóninde tıisti tapsyrmalar berdi. Azamattyq jáne halyqaralyq qaýymdastyqtyń qoǵamymyzdyń uzaq merzimdi damý maqsattaryna qol jetkizý men ózekti áleýmettik problemalardy sheshý úshin qolaıly jaǵdaı jasaýǵa baǵyttalǵan kúsh-jigerine memleket belsendi túrde qoldaý kórsetedi. Osynyń nátıjesinde búgingi forýmnyń taqyryby tájirıbe almasýǵa, Qazaqstandaǵy qaıyrymdylyq qyzmetine úzdik álemdik tájirıbelerdi engizýge arnalady», - dedi B. Tilepov «Qazmedıa» ortalyǵynda ótken Donorlar forýmynyń ashylýynda.

Vıtse-mınıstr memlekettiń, donorlardyń, grant berýshi uıymdardyń jáne bıznes pen ÚEU-nyń birlesken kúsh-jigeri qıyndyqtardy jeńýge kómektesetinin atap ótti.

«Ózderińiz biletindeı, 2020 jyl koronovırýs pandemııasyna baılanysty aıryqsha kezeń bolyp otyr, ol búkilálemdik qaýymdastyqta úlken daǵdarys týdyrdy jáne barlyq derlik salada adamdar men qoǵamnyń úırenshikti ómir saltyn buzdy. Kóptegen eldegi qaýymdastyqtar oqshaýlanýdan týyndaǵan daǵdarystyń alǵashqy tolqynynan shyqty, onda azamattyq qoǵam da, bıznes te, halyqaralyq damý uıymdary men memleket te óz rólin belsendi kórsetti. Bul pandemııa úlgisinde anyq kórinedi jáne munda halyqaralyq grant berýshi jáne donorlyq uıymdar erekshe kózge tústi. Kompanııalardyń ózderi qıyndyqtarǵa tap bolsa da, belsendi kómek kórsett», - dedi B. Tilepov.

Osy oraıda B. Tilepov Qazaqstandaǵy Túrkııa yntymaqtastyq jáne úılestirý agenttigine (TIKA) Azamattyq bastamalardy qoldaý ortalyǵyna qoldaý kórsetkeni úshin jáne ortalyq bazasynda medıabólmeni jabdyqtaǵany úshin alǵys bildirdi.

Bul ÚEU úshin aıtarlyqtaı qoldaý boldy. Mundaı qoldaý azamattyq qoǵamnyń múmkindikterin onlaın formatta nyǵaıtý men keńeıtý úshin óte mańyzdy. Azamattyq bastamalardy da belsendi qoldaý mańyzdy. 2008 jyly bıznestiń áleýmettik jaýapkershiligi máseleleri jónindegi respýblıkalyq forýmda Elbasy N.Nazarbaev memleket pen bıznestiń áleýmettik jaýapkershiligin qalyptastyrýdyń ornyqty damýdyń bazalyq sharttarynyń biri ekenin aıtty. Pandemııada iskerlik qaýymdastyqty qoldaýdy qoǵamnyń turaqty damýyn qamtamasyz etý úshin tereńdeı túsýi tıis sınergııanyń kórinisi retinde qarastyramyz. Búgingi forým qaıyrymdylyq pen donorlyqtyń ózekti máselelerin sheshýdiń jańa tásilderin ázirleýge yqpal etetinine jáne azamattyq qoǵamdy ilgeriletýge kúsh-jigerdi shoǵyrlandyrý jónindegi pikirler men usynystarmen almasý úshin mańyzdy bolatynyna senimdimin», - dedi Bolat Tilepov.

Aıta keteıik, forýmdy QR Aqparat jáne qoǵamdyq damý mınıstrliginiń qoldaýymen Azamattyq bastamalardy qoldaý ortalyǵy uıymdastyrǵan. Forým qorytyndysy boıynsha Qazaqstannyń IX Azamattyq forýmynyń qarar jobasyna usynystar men usynymdar ázirlenedi.

Buǵan deıin QR Aqparat jáne qoǵamdyq damý mınıstrligi Azamattyq qoǵam isteri komıtetiniń tóraǵasy Madııar Qojahmet «Qaıyrymdylyq týraly» zańǵa engiziletin ózgeristerdi aıtyp bergen edi.


Joǵary qaraı