Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pandemııa kezinde qoǵammen baılanys ornatý mańyzdy boldy – Alekseı Tsoı

2021 jyldyń 28 qyrkúıek 2021 16:15

NUR-SULTAN. QazAqparat – QR Densaýlyq saqtaý mınıstri Alekseı Tsoı Astana Media Week forýmynda pandemııa kezindegi halyqqa aqparat taratý jumysy týraly pikir bildirdi, dep habarlaıdy QazAqparat tilshisi.

«COVID-19 koronavırýs pandemııasy búkil adamzat úshin jahandyq syn-tegeýrin boldy, myqty ekonomıkalar men áleýmetterge, jekelegen qoǵamdastyqtarǵa jáne árbir otbasyna soqqy boldy. Vırýstyń keń taralýy men halyq arasynda aýrýdyń órshýi saldarynan daǵdarystarǵa eń tózimdi densaýlyq saqtaý júıesi de qolda bar resýrstarǵa buryn-sońdy bolmaǵan júktemege tótep bere almaı, osaldyǵyn kórsetti. Dúnıejúzilik densaýlyq saqtaý uıymy ótken jyly ınfektsııamen kúresý strategııasynda pandemııanyń úsh belgisin anyqtady. Birinshisi – jyldamdyq pen masshtab. Aýrý álemniń túkpir-túkpirine tez taraldy, taralýdyń bul sıpatyna baılanysty tipti eń turaqty densaýlyq saqtaý júıeleri de buzyldy. Ekinshisi – aýyrlyq dárejesi, ortasha alǵanda jaǵdaılardyń 20%-y aýyr nemese kúrdeli boldy, jasyna qaraı jáne qatar júretin qandaı da bir aýrýlar bolǵan kezde kúsheıedi. Úshinshisi – áleýmettik-ekonomıkalyq turaqsyzdyq, densaýlyq saqtaý jáne áleýmettik qorǵaý júıeleri bastan ótkergen kúızelis jáne keń jáne tereń áleýmettik-ekonomıkalyq saldarǵa ákep soqqan vırýstyń taralymyn baqylaý úshin qabyldanǵan sharalar», - dedi A. Tsoı Astana Media Week forýmynyń «Jańa, kovıdtan keıingi álemdegi qoǵam jáne BAQ» paneldik sessııasynda.

Mınıstr pandemııa bastalǵan kezde turǵyndar tolyqqandy aqparattyń bolmaýynan úlken qysymǵa ushyraǵanyn, óıtkeni COVID-19 jańa bolǵanyn jáne álemde jaǵdaıdy naqty túsiný bolmaǵanyn atap ótti.

Ǵylymnyń vırýsty zertteýdegi árbir qadamy jeke túsiniktemelerimen birge júrdi.

Keıbir dári-dármek, PTR test, jeke qorǵanys quraldary jetispedi, bul dúrbeleńge ákep soqty.

Memleket tez jumylyp, Úkimette jeke jumys toby jáne vedomstvoaralyq komıssııa quryldy.

A. Tsoı atap ótkendeı, Qazaqstanda qurylǵan zerthanalardyń áleýetiniń arqasynda qazir táýligine 120 myń PTR test júrgizýge bolady.

17 juqpaly aýrýlar aýrýhanasy salyndy, barlyq óńirler 100% «jedel járdem» mashınalarymen qamtamasyz etildi, dárilik zattardyń turaqtandyrý qorlary quryldy. Jalpy jaǵdaı baqylaýǵa alyndy.

A.Tsoı pandemııa kezinde qoǵammen baılanys ornatý óte mańyzdy ekenin, sondyqtan halyqqa obektıvti aqparat berý arnalary birinshi orynǵa shyqqanyn atap ótti.

Halyqty aqparattandyrýdyń durys strategııasyn tańdap, aqparat kózderin ázirleý mańyzdy boldy.

Bul - coronavirus-2020 saıty, Aqparat jáne qoǵamdyq damý mınıstrlikteriniń, Densaýlyq saqtaý mınıstrlikteriniń portaldary jáne basqa da akkaýnttar boldy.

«Koronavırýsqa qarsy vaktsınanyń paıda bolýy da mańyzdy oqıǵa boldy. Qazirgi ýaqytta Qazaqstanda 7,5 mln adam vaktsına aldy. Vaktsınanyń mańyzy túsindirildi, onyń qasıetteri týraly aıtyldy, óıtkeni bul jańa ázirlemeler bolǵandyqtan bastapqyda halyq vaktsınaǵa synmen qarady. Endi adamdar vaktsınanyń vırýstan qorǵaıtynyna kóz jetkizip, oń qabaq tanytyp otyr. Al halyqty vaktsınadan qorqýǵa ıtermeleıtin «antıvakserlerdiń» árekertin destrýktıvti deýge bolady, al vaktsınalaý – kez kelgen juqpaly aýrýlardyń aldyn-alýdyń jalǵyz ádisi. Densaýlyq saqtaý mınıstrligi pandemııa kezeńinde ınfektsııa týraly jalǵan aqparattardy anyqtap, halyqqa mundaı faktilerdiń shyndyqqa sáıkes kelmeıtinin túsindirýde», - dedi Alekseı Tsoı.


Joǵary qaraı