Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pandemııa kezinde jumyssyzdyqtyń birden beleń alýyna jol bermedik - Toqaev

2021 jyldyń 28 qyrkúıek 2021 17:38

NUR-SULTAN. QazAqparat - Bes jyl buryn shaǵyn jáne orta bıznestiń ishki jalpy ónimdegi úlesi 24 paıyz boldy. Qazir bul kórsetkish 32 paıyzǵa jetti jáne salada 3,5 mıllıon otandasymyz jumyspen qamtylǵan, dep habarlaıdy QazAqparat.

Bul jaıynda «Atameken» ulttyq kásipkerler palatasynyń búgin astanada ótken VIII sezinde Memleket basshysy Qasym-Jomart Toqaev aıtty.

– Búkil álemge taraǵan epıdemııa byltyrdan beri elimizdegi kásipkerliktiń damýyna kedergi keltirdi. Qıyn sátte memleket bıznes salasyna jan-jaqty qoldaý kórsetti. Ártúrli memlekettik baǵdarlamalar aıasynda jalpy quny 6,3 trıllıon teńge bolatyn daǵdarysqa qarsy sharalardyń 3 toptamasy júzege asyryldy. Bul ahýaldy túzeýge jáne ekonomıkalyq belsendilik pen kásipkerlik bastamalardy qaıta qalypqa keltirýge múmkindik berdi. Jumyssyzdyqtyń birden beleń alýyna jáne kásiporyndardyń jappaı bankrotqa ushyraýyna jol bermedik. Bıylǵy 8 aıdyń qorytyndysy boıynsha el ekonomıkasy 3 paıyzǵa ósti. Memleket bızneske kómek kórsetý isin jalǵastyra beredi, – dedi Prezıdent.

Memleket basshysy 2022 jyly «Qarapaıym zattar ekonomıkasy» jáne Bıznestiń jol kartasy baǵdarlamalarynyń aıasynda 1 trıllıonnan kem emes qarjy bólingenin jetkizdi.


Joǵary qaraı