Aýa raıy
Astana 2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Pandemııa konfessııaaralyq jáne órkenıetaralyq dıalogqa qalaı áser etti

2020 jyldyń 25 qyrkúıek 2020 19:25

NUR-SULTAN. QazAqparat - Nur-Sultan qalasynda «Pandemııa jaǵdaıyndaǵy konfessııaaralyq jáne órkenıetaralyq dıalog» taqyrybynda halyqaralyq onlaın-konferentsııa ótti.

24 qyrkúıekte Nur-Sultan qalasynda konfessııaaralyq jáne órkenıetaralyq dıalogty damytý jónindegi Nursultan Nazarbaev ortalyǵynyń bastamasymen «Pandemııa jaǵdaıyndaǵy konfessııaaralyq jáne órkenıetaralyq dıalog» taqyrybynda halyqaralyq onlaın-konferentsııa ótti.

Halyqaralyq onlaın-konferentsııaǵa Qazaqstan Respýblıkasynyń Aqparat jáne qoǵamdyq damý vıtse-mınıstri – Marat Ázilhanov, Islam álemi lıgasynyń ókili, Halyqaralyq kómek, qoldaý jáne damý uıymynyń Bas hatshysynyń keńesshisi - Abdýl Azız ben Ahmat Sarhan, Halyqaralyq mádenı dıplomatııa ınstıtýtynyń (BAÁ) basqarma tóraǵasy - Muhammed ál-Mýaını; Qasıetti Prestoldyń dinaralyq dıalog jónindegi Papa keńesiniń Islammen baılanys bóliminiń meńgerýshisi (Vatıkan) - Haled Akashe; Islam tarıhy, óneri jáne mádenıeti ǵylymı ortalyǵynyń bas dırektory (Túrkııa) - Halıt Eren; Islamabad halyqaralyq ıslam ýnıversıteti Islamdy zertteý ınstıtýtynyń bas dırektory (Pákistan) - Muhammad Zııa Ýl-Hak; Image India ınstıtýtynyń negizin qalaýshy jáne prezıdenti (Úndistan) - Robınder Sachdev; Ǵylymı zertteýler jáne tájirıbe almasý ortalyǵynyń ǵylymı qyzmetkeri, Riyadh News gazetiniń sholýshysy, (KSA, Er-Rııad) - Alı Al-Hýshaıban; Islam yntymaqtastyq uıymynyń Eýropa odaǵy janyndaǵy mıssııasynyń turaqty baqylaýshysy, elshi (Belgııa) - Djahan Ismat; Kavkaz musylmandary basqarmasy bóliminiń meńgerýshisi (Ázirbaıjan) - Babaev Gıýndýz; Eýrazııadaǵy BBC World News kommertsııalyq keńsesiniń jetekshisi (Ulybrıtanııa) - Sergeı Stanovkın, sonymen qatar, basqa da halyqaralyq sarapshylar men dinı birlestik ókilderi, ǵylymı sarapshylar qaýymdastyǵy ókili qatysty.

Konferentsııa barysynda qatysýshylar jalpy adamı qundylyqtardy nyǵaıtýǵa, pandemııa jaǵdaıynda bitimgershilik, toleranttylyq, beıbitshilik pen kelisim ıdeıalaryn ilgeriletýge baǵyttalǵan konfessııaaralyq dıalogty damytýdyń ózekti máselelerin talqylady.

Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵynyń basqarma tóraǵasy konferentsııa alǵysózin álemdegi árbir adamnyń ómir saltyna áser etken pandemııa faktorlary men qoǵam kelbetiniń ózgeristerinen bastady.

«Búgingi kúni pandemııa saldarynan álemde ólim-jitim kóbeıgeni ótirik emes, medıtsınalyq mekemeler men áleýmettik nysandardyń jumysy ulǵaıdy, halyqaralyq is-sharalardyń barlyǵy derlik keıinge shegerildi. Alaıda, qazirgi jaǵdaılarǵa qaramastan, biz Memleket basshysy Q.Toqaevtyń belsendi qoldaýymen negizgi mıssııamyzdy jalǵastyrýdamyz. Memleket basshysy Qasym-Jomart Toqaevtyń BUU-nyń 75 jyldyǵyna arnalǵan joǵary deńgeıdegi is-sharada sóılegen sózinde konfessııaaralyq jáne órkenıetaralyq dıalogty damytýdyń erekshe mańyzyn atap ótti. S onymen qatar, 14 mamyrdaǵy jalpyǵa birdeı duǵa etý kúni - bárimiz úshin óte mańyzdy boldy. Sebebi, bul pandemııa dáýirin, gýmanıtarlyq máseleler men ekonomıkalyq qaýipti biz tek birlik, ultaralyq tatýlyq , jasampazdyq qasıetteri arqyly ǵana eńserýge bolatynyna taǵy bir márte kóz jetkizdik. Búgingi kúni teńdik, ózara syılastyq jáne bir-biriniń múddelerin syılaý, yntymaqtastyq, tózimdilik pen túsinistik qaǵıdattaryna negizdelgen qaýipsizdik pen damýdyń jańa paradıgmasyn damytý boıynsha keń dıalog qurý asa mańyzdy», - dedi Altaı Abıbýllaev.

Aqparat jáne qoǵamdyq damý vıtse-mınıstri Marat Ázilhanov óz sózinde dinı birlestikter men azamattyq qoǵam birtutas bolýy kerek ekenin, álemdi jaýlaǵan dert kezinde, qaýip-qater men qorqynyshty tek birlik, toleranttylyq, aýyzbirshilik qasıetter arqyly jeńýge bolatynyn alǵa tartty.

Islam álemi lıgasynyń ókili, halyqaralyq kómek, qoldaý jáne damý uıymynyń bas hatshysynyń keńesshisi - Abdýl Azız ben Ahmat Sarhan óz sózinde álemdegi konfessııaaralyq dıalogty odan ári nyǵaıtýdyń birneshe mańyzyn atap ótti.

«Pandemııa jaǵdaıyndaǵy qıyn kezeń halyqaralyq kelissóz ben órkenıetti dıalogty nyǵaıtý jáne dinder arasynda baılanys ornatý úshin kúsh pen yntymaqtastyqty qajet etetini belgili. Óıtkeni bul dinder men joǵary adamı qundylyqtardy madaqtap, qalypty dıskýrsty qalyptastyrýdyń tıimdi quraldarynyń biri», - dedi ol baıandamasynda.

Sondaı-aq, óz kezeginde Halyqaralyq mádenı dıplomatııa ınstıtýtynyń (BAÁ) basqarma tóraǵasy - Muhammed ál-Mýaını «biz mádenı qundylyǵy keń uǵymda qalyptasqan Qazaqstanǵa uqsas elde turamyz. Qazaqstan Respýblıkasynyń Tuńǵysh Prezıdentiniń esimi berilgen konfessııaaralyq jáne órkenıetaralyq dıalogty damytý jónindegi N.Nazarbaev ortalyǵynyń qurylýy - dinaralyq kelisimniń dáleli» dep oıyn qorytyndylady.

Qazaqstan musylmandary dinı basqarmasy (QMDB) tóraǵasynyń orynbasary Naıb-ımam Ershat Ońǵarov onlaın-konferentsııada sóılegen sózinde «búginde Kovıd-19 vırýsynyń saldary búkil álem qaýymdastyǵyn alańdatady. Osyndaı ekonomıkalyq daǵdarys pen áleýmettik shıelenistiń qıyn kezeńinde turaqtylyq pen yntymaqtastyqty saqtaý - mańyzdy mindetterdiń biri» dedi.

Qorytyndylaı kele, álem qaýymdastyǵy úshin osyndaı kúrdeli kezeńde konfessııaaralyq birlikti saqtaýdyń mańyzdy bóligi - dinder dıalogyn odan ári tıimdi damytý, qoǵam men memlekettiń kúsh-jigerin biriktirý bolyp tabylady.

Halyqaralyq sarapshylar álemdegi toleranttylyq, kelisim, bitimgershilik, dinaralyq kelisim men turaqtylyq ıdeıalaryn ilgeriletýde konfessııaaralyq jáne órkenıetaralyq dıalogty damytý jónindegi Nursultan Nazarbaev ortalyǵynyń joǵary rólin atap ótti.


Basty sózder: Koronavırýs, Din,
Joǵary qaraı