Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pandemııa musylman álemin odan saıyn biriktire tústi

2021 jyldyń 6 qazan 2021 14:01

NUR-SULTAN. QazAqparat – Pandemııa musylman álemin odan saıyn biriktire tústi. Bul týraly Álemdik jáne dástúrli dinder kóshbasshylary sezi hatshylyǵynyń HІH otyrysynda Qazaqstan musylmandary dinı basqarmasynyń tóraǵasy, bas múftı Naýryzbaı qajy Taǵanuly aıtty, dep habarlaıdy QazAqparat tilshisi.

«Kez kelgen dástúrli din halyqty adamgershilik pen izgilikke úndeıdi. Din – adamdyq qasıetti qalyptastyratyn teńdessiz tárbıe mektebi. Demek, biz dinniń osynaý qýatty kúshin adamdar arasyndaǵy dostyq, ózara syılastyq pen qurmetti arttyrýǵa baǵyttaýymyz kerek. Álemdik jáne dástúrli din lıderleri seziniń bastamashysy Qazaqstannyń Tuńǵysh Prezıdenti – Elbasy Nursultan Nazarbaevtyń: «Halyqtardy bir-birinen bóletin teńizder emes, nadandyq pen tilderdiń bólektigi de emes, arazdyq qana. Dostyq joq jerde arazdyqqa múmkindik mol bolmaq» degen sózinde úlken maǵyna jatyr. Prezıdentimiz Qasym-Jomart Kemeluly Toqaev halyqqa Joldaýynda: «Qoǵamdaǵy birlik pen kelisimdi kózdiń qarashyǵyndaı saqtaýymyz kerek. Etnosaralyq jáne konfessııaaralyq qatynastyń qanshalyqty mańyzdy ekenin barlyq azamatymyz túsiný qajet. Biz qashan da alaýyzdyqqa qarsy tura bilgen elmiz» dep atap ótti. Rasynda, biz beıbitsúıgish halyqpyz jáne álem halqyn beıbit ómir súrýge úndeımiz. Elimizde turaqty túrde ótip kele jatqan Álemdik jáne dástúrli din lıderleriniń sezi osyǵan dálel», - dedi Bas múftı.

Onyń atap ótýinshe, álemdi jaılaǵan pandemııalyq ahýal kóptegen ortaq ıgi is-sharalardyń ótýine tosqaýyl boldy. Alaıda bul synaq musylman álemin odan saıyn biriktire tústi.

«Biz álemniń din kóshbasshylaryna «Biz – birgemiz, tilegimiz – ortaq» degen ıgi nıetpen Úndeý joldap, juma kúni bir mezette duǵa jasaýǵa shaqyrdyq. Úndeýge birqatar musylman elderi qoldaý bildirip, onlaın rejımde duǵa jasaý rásimine qatysty. Osy sátti paıdalanyp, din kóshbasshylaryna taǵy da Alla razy bolsyn aıtamyn. Bul bastama din qaıratkerlerin ortaq maqsatqa jumyldyrdy», - dedi Naýryzbaı qajy Taǵanuly.


Joǵary qaraı