Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pandemııa Táýelsizdik toıyna kóptegen túzetý engizdi – Dáýren Babamuratov

2021 jyldyń 21 shilde 2021 16:02

NUR-SULTAN. QazAqparat – Pandemııa Nur-Sultan qalasynda Táýelsizdiktiń 30 jyldyǵyna arnap ótkiziletin sharalardyń formatyn ózgertip, aýqymyn taryltýda, dep habarlaıdy QazAqparat tilshisi.

Qalalyq ishki saıasat basqarmasynyń basshysy Dáýren Babamuratovtyń aıtýynsha, bıyl Táýelsizdik mereıtoıy aıasynda elordada 800-den astam shara ótkizý josparlanǵan eken. Búginde sonyń jartysyna jýyǵy iske asqanymen, o bastaǵy aýqymy men formatyna túzetýler engen. Onyń bárine pandemııamen baılanysty shekteýler sebepker.

«Pandemııa Táýelsizdik toıyna sózsiz áser etti. Ókinishke qaraı, qatań sanıtarlyq talaptar boıynsha jáne elordanyń «qyzyl» aımaqta bolýyna baılanysty jabyq ǵımarattyń ishinde ótýi josparlanǵan, asa mańyzdy kóptegen is-sharany onlaın formatta ótkizýge májbúr bolyp otyrmyz. Buǵan deıin de birshama sharanyń kólemin azaıtyp, qatysýshylar sanyn shektegen bolatynbyz. Ahýal osylaı jalǵasatyn bolsa, kóptegen josparǵa túzetýler engizetinimiz sózsiz», - dedi ákimdik ókili.

Onyń aıtýynsha, Táýelsizdiktiń 30 jyldyǵyna arnalǵan «Qaıyrymdy ister marafony» aıasynda elordalyqtarǵa 10 myńnan astam azyq-túlik sebeti taratylǵan .

«Táýelsizdiktiń 30 jyldyǵy aıasynda Nur-Sultan qalas y nda 300-den astam shara ótkizildi. Bul sharalar 66 myńnan astam adamdy qamtyp, ataýly kómek pen qoldaý kórsetildi. «Qaıyrymdy ister marafony» uranymen ótken sharalar aıasynda ákimdik qyzmetkerleri men eriktiler, Qazaqstan halqy Assambleıasynyń qalalyq bólimshesiniń ókilderi men bıznesmender jarty jyldyń ishinde 10 myńnan astam azyq-túlik sebetin taratty», - dedi ákimdik ókili.


Joǵary qaraı