Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pandemııaǵa baılanysty Hanzada Fılıppen qoshtasý rásimine ózgeris engizildi

2021 jyldyń 11 sáýir 2021 15:40

NUR-SULTAN. QazAqparat – Ulybrıtanııa jáne Soltústik Irlandııa Qurama Koroldiginde bos patronmen qarýlardan oq atylyp, 9 sáýir kúni qaıtys bolǵan Edınbýrg gertsogy Fılıppke qurmet kórsetildi, dep habarlaıdy QazAqparat Euronews-ke silteme jasap.

London, Edınbýrg, Kardıff jáne basqa da qalalarda, áskerı bazalar men kemelerde zeńbirekterden mınýtyna bos patronmen bir oqtan atyldy. Ekinshi dúnıejúzilik soǵys jyldary ІІ Elızavetanyń bolashaq kúıeýi brıtandyq áskerı-teńiz flotynda qyzmet etken bolatyn.

Koronavırýs pandemııasyna baılanysty toptasyp jınalýdan bas tartý týraly el bıliginiń jáne patshalyq otbasynyń úndeýine qaramastan, turǵyndar senbi kúni Býkıngem men Vınzdor saraılary mańyna gúl shoqtaryn ákelip jatty.

Senbide Endrıý jáne Edvard hanzadalar Vınzdor saraıynda anasy ІІ Elızavetaǵa jolyqty. Juma kúni monarhqa taq murageri Charlz kirgen edi. Vındzordaǵy patshalyq rezıdentsııasyna jergilikti halyq ta kelip jatyr.

Óziniń júz jyldyǵyna eki aı, bir kúni jetpeı qaıtys bolǵan Hanzada Fılıpptiń ólimine oraı Ulybrıtanııada qaraly kún jarııalandy. Geraldıkalyq palatadan málim etkendeı, jerleý rásimi Áýlıe Georgıı shirkeýinde 17 sáýirde ótedi. Oǵan deıin Hanzadanyń denesi London mańyndaǵy Vındzor saraıynda qalady. Koronavırýs pandemııasyna baılanysty qoshtasý rásimine ózgeris engiziledi.

Eske sala keteıik, 9 sáýir kúni ІІ Elızaveta patshaıymnyń joldasy Hanzada Fılıpp 99 jasynda qaıtys boldy. Qazaǵa oraı Qazaqstannyń Tuńǵysh Prezıdenti – Elbasy Nursultan Nazarbaev pen Qazaqstan Prezıdenti Qasym-Jomart Toqaev kóńil aıtý jedelhatyn joldady.


Basty sózder: Álem, Qoǵam, Oqıǵa,
Joǵary qaraı