Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pandemııamen kúres shtaby qyzmetkerlerge qatysty sanıtarııa talaptaryn qoldady

2021 jyldyń 20 qazan 2021 17:15

NUR-SULTAN. QazAqparat - Pandemııamen kúres jónindegi azamattyq shtab kúndizgi jumys formatyndaǵy qyzmetkerlerge ruqsat berý jónindegi sanıtarııalyq talaptardy qoldady, dep habarlaıdy QazAqparat.

Qazaqstanda koronavırýs pandemııasymen kúres jónindegi «El úshin egilemin» azamattyq shtaby «Vaktsına alǵan jáne vaktsına almaǵan qyzmetkerlerdi jumysqa jiberý týraly sanıtarlyq erejeler: qyzmetkerlerdiń, bıznes pen tutynýshylardyń quqyqtaryn qorǵaýdyń quqyqtyq aspektileri» atty dóńgelek ústel ótkizdi.

Talqylaýǵa belsendi zańgerler, quqyq salasyndaǵy halyqaralyq sarapshylar, sondaı-aq iri kompanııalar - jer qoınaýyn paıdalanýshylar, ónerkásiptik kásiporyndar, bank sektory, QR Densaýlyq saqtaý mınıstrliginiń ókilderi qatysty.

«Engiziletin normatıvtik-quqyqtyq akt birinshi kezekte vaktsınatsııadan medıtsınalyq shettetilgender bar adamdardyń quqyqtaryn eskeredi, óıtkeni qoǵam tez arada ımmýndaý esebinen ujymdyq ımmýnıtetti qalyptastyrý arqyly olardyń qaýipsizdigin qorǵaý qajet. Bul akt birjaqty tártippen, vaktsınatsııadan tolyq medıtsınalyq sebeptersiz bas tartqan azamattardyń quqyqtaryn buzýshy retinde qaralmaıdy, óıtkeni olar apta saıyn PTsR testiniń nátıjelerin olardyń arasynda juqtyrǵandardy anyqtaý úshin, jumys oryndarynda vırýstyń taralýyn odan ári boldyrmaý úshin usyna alady», - dedi jıynda zańger, Qazaqstan zańgerler odaǵynyń Nur-Sultan qalasyndaǵy fılıalynyń tóraǵasy, azamattyq shtab múshesi Serik Berkamalov.

QR Densaýlyq saqtaý mınıstrligi sanıtarlyq-epıdemıologııalyq baqylaý komıtetiniń tóraǵasy Aıjan Easmaǵambetova jer qoınaýyn paıdalaný salasyndaǵy kompanııalar men iri ónerkásiptik kásiporyndar úshin jańa erejelerdi qoldanýǵa qatysty túsinikteme berdi.

«Osy talaptar qoldanylatyn kompanııalardyń qyzmet túrleriniń tizimin keńeıtý qajet bolǵan jaǵdaıda, múddeli kásiporyndar olardy tizimge engizý úshin jergilikti aýmaqtyq sanıtarlyq-epıdemıologııalyq baqylaý basqarmalaryna júginýi qajet. Ónerkásiptik kompanııalar boıynsha qyzmetkerlerge ruqsat berýdiń sanıtarııalyq talaptaryn ortalyqtandyrylǵan retteý máselesi budan ári talqylaýǵa shyǵarylady, óıtkeni óńirlerde halyq arasynda vaktsınatsııa deńgeıi boıynsha ártúrli jaǵdaı jáne tıisti ádister qoldanylady. Jalpy alǵanda, Qazaqstanǵa ujymdyq ımmýnıtetke qol jetkizý úshin keminde 11, 4 mıllıon COVID-19 vaktsınatsııalanǵan azamat qajet, qazirgi ýaqytta mundaı azamattardyń sany 8 mıllıonǵa jaqyndap keledi, bul eldiń taǵy 4 mıllıon azamatyn jedel ımmýndaý qajettiligin kórsetedi. Biraq vırýs únemi ózgerip otyratyndyqtan, eger biz qalypty jaǵdaıǵa oralǵymyz kelse, tezdetýimiz kerek», - deıdi ol.

Birden birneshe iri kompanııa ókilderi: «Sberbank Rossıı» AQ enshiles banki fılıalynyń basshysy Elmıra Nurǵalıeva, Atyraý q., «QazMunaıGaz» UK AQ eńbekti jáne qorshaǵan ortany qorǵaý Departamentiniń dırektory Qaırat Saqtaǵanov, «Embimunaıgaz» AQ josparlaý jáne ekonomıkalyq taldaý departamentiniń dırektory Nursáýle Tájmaǵambetova jańa sanıtarlyq erejelerdi qoldaıtynyn bildirdi.

«Árbir qyzmetkerdiń qaýipsiz eńbek jaǵdaılaryna jáne óz densaýlyǵyn qorǵaýǵa quqyǵy bar. Osy turǵydan alǵanda, bul talaptar jumysshylardyń kez-kelgen quqyǵyn buzbaıdy. Kerisinshe, bul talaptar qyzmetkerdiń saý ujymda, saý ortada bolý quqyǵyn qorǵaıdy» dep sanaıdy olar.

Bul rette atalǵan kompanııalarda vaktsınatsııa deńgeıi aıtarlyqtaı joǵary jáne basshylyq vaktsınatsııalanatyn qyzmetkerlerdi qoldaıdy, mysaly, «QazMunaıGaz» UK AQ-da kompanııalardyń búkil toby boıynsha barlyq qyzmetkerlerge vaktsınanyń árbir dozasyn alǵan kezde aqyly 2 kún beriledi.

Búgingi tańda kompanııalar toby boıynsha 40 myń qyzmetker nemese búkil jumysshynyń 62% egildi.

QMG jekelegen kásiporyndary boıynsha qyzmetkerlerdi vaktsınalaý deńgeıi 90-100% jetedi.

«Arselor Mıttal Temirtaý» AQ memlekettik organdarmen ózara is-qımyl jáne qoǵammen baılanys jónindegi dırektory Aslan Ábjaqov kompanııada 36 myń jumyskerdiń (32 myń óziniń jáne 4 myń merdigerlik uıymynyń), ıaǵnı qyzmetkerlerdiń 92% astamy vaktsınatsııalanǵanyn atap ótti.

Vaktsınatsııa naýqanynyń sáttiligi kóbine birinshi basshylardyń jeke mysalyna jáne qyzmetkerlerdiń jumys ornynda vaktsınatsııa pýnktterin ashýǵa kómektesken jergilikti bıliktiń belsendi qoldaýyna baılanysty boldy.

Kásiporynnyń eńbekti qorǵaý jáne ónerkásiptik qaýipsizdik jónindegi dırektory Andreı Markın vaktsınatsııalanǵan qyzmetkerlerdi qoldaýdyń keshendi baǵdarlamasy týraly aıtyp berdi (10.000₸ jáne qatardaǵy qyzmetkerler jeńip alǵan 3 jeńil avtokólik utys oıyny: zaýyt slesari, shahter jáne júk mashınasynyń júrgizýshisi).

QR Kásipodaqtar federatsııasy tóraǵasynyń orynbasary Nurlan Óteshov dóńgelek ústelge qatysýshylardy jumyskerlerdi sendirýdiń uqsas ýájdemelik ádisterin paıdalanýǵa shaqyrdy.

Eger vaktsınatsııa bıznesti júrgizý úshin qaýipsizdiktiń jańa deńgeıi dep tanylsa, biz ujymdyq ımmýnıtetke jáne ımmýndaýda tabysqa qol jetkize alatynymyzdy biryńǵaı túsinýge kelemiz.

Quqyq qaýymdastyrylǵan professory, Eýrazııa tehnologııalyq ýnıversıtetiniń adam quqyqtaryn, ınklıýzııany jáne azamattyq qoǵamdy zertteý ortalyǵynyń dırektory, «El úshin egilemin» koronavırýs pandemııasymen kúres jónindegi azamattyq shtabtyń qatysýshysy Halıda Ajıgýlova jumys berýshilerge túrli sebepter boıynsha vaktsınadan bas tartqan jáne qashyqtan jumys isteýge májbúr bolǵan qyzmetkerler úshin jańa mamandyqtardy onlaın formatta oqytýdy qarastyrýdy usyndy. Onyń aıtýynsha, vaktsınatsııalaýǵa áli daıyn emes azamattardyń quqyqtaryn eskerý qajet.


Joǵary qaraı