Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Pandemııamen kúreste áıelder aldyńǵy shepte boldy – Eýrokomıssııa baıandamasy

2021 jyldyń 6 naýryz 2021 14:42

BRıÝSSELЬ. QazAqparat – Halyqaralyq áıelder kúni merekesi qarsańynda Eýrokomıssııa 2021 jyly Eýroodaqtaǵy genderlik teńdik týraly baıandama jarııalady, onda COVID-19 pandemııasynyń áıelderge jaǵymsyz áser etkeni týraly aıtylǵan, dep habarlaıdy QazAqparattyń menshikti tilshisi.

Baıandamada aıtylǵandaı, pandemııa er men áıel arasyndaǵy burynnan bar teńsizdik máselesin barlyq salada ýshyqtyryp jebirdi. Mundaı jaǵdaı Eýropamen qatar, onyń syrtyndaǵy elderde de baıqalǵan.

Múshe-memleketter turmystyq zorlyq-zombylyqtyń artqanyn tirkegen. Máselen, Frantsııada turmystyq zorlyq-zombylyq lokdaýnnyń alǵashqy aptasynda 32%-ǵa, Lıtvada alǵashqy úsh aptada 20%-ǵa kóbeıgen. Irlandııada turmystyq zorlyq-zombylyq bes esege artqan, ıspan bıligi karantınniń alǵashqy eki aptasynda zorlyq-zombylyq týraly habarlaǵandardyń 18%-ǵa kóbeıgenin málimdedi.

Pandemııamen kúreste áıelder aldyńǵy shepte qyzmet etken bolyp shyqty: medıtsına jáne áleýmettik qyzmetkerlerdiń 76%-y – áıelder, Eýroodaq elderiniń sanıtarııa qyzmetiniń 86% jumysshysy da názik jandylar.

Pandemııaǵa baılanysty bul saladaǵy áıelder jumystyń aýyrtpalyǵyn kóterip, densaýlyǵyna qaýip tóndirip, jumys pen jeke ómir arasyndaǵy máselelerge tap boldy.

Sonymen qatar, genderlik teńdik eshqashan EO-nyń saıası kún tártibinde mundaı joǵary orynǵa ıe bolǵan emes. Komıssııa bir jyl buryn qabyldanǵan genderlik teńdik strategııasyn iske asyrý úshin aıtarlyqtaı kúsh jumsady.

27 múshe-memlekettiń árqaısysyndaǵy ilgerileýdi baqylap otyrý úshin Eýrokomıssııa Genderlik teńdik strategııasyna monıtorıng jasaý portalyn iske qosty.

Eýrokomıssııanyń qundylyqtar jáne ashyqtyq jónindegi vıtse-prezıdenti Vera ıÝrova «Áıelder pandemııamen kúreste aldyńǵy shepte keledi, biz ádildik pen teńdikti talap etýimiz kerek» dep atap ótti.

EO-nyń teńdik máseleleri boıynsha komıssary Helena Dallı «COVID-19 daǵdarysy áıelderdiń ómirine jaǵymsyz áser etkenimen, bul jaǵdaıdy múmkindik retinde paıdalanýymyz kerek» dedi.


Basty sózder: Álem, Koronavırýs,
Joǵary qaraı