Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pandemııany eńserý úshin farmatsevtıka salasynda birlesken joba qajet - Prezıdent

2021 jyldyń 14 qazan 2021 17:37

NUR-SULTAN. QazAqparat – Eýrazııalyq ekonomıkalyq odaq elderi pandemııany eńserý úshin farmatsevtıka salasynda birlesken jobalardy júzege asyrýy qajet. Bul týraly Joǵary Eýrazııalyq ekonomıkalyq keńes otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Pandemııamen kúrestegi aıtarlyqtaı tabystarǵa qaramastan elder áli de kúrdeli jaǵdaıda tur. Koronavırýstyń jańa shtamdarynyń paıda bolýyna jáne azamattardyń vaktsınatsııalanýynyń jetkiliksizdigine baılanysty aıtarlyqtaı táýekel saqtalyp otyr. Ózderińizde biletindeı, Qazaqstan Reseı Federatsııasymen qatar óziniń QazVac vaktsınasyn ázirleı aldy. Ol qazirgi ýaqytta Qazaqstanda belsendi túrde qoldanylyp jatyr. Búginde ony Dúnıejúzilik densaýlyq saqtaý uıymynda tirkeý protsesi júrip jatyr», - dedi Qasym-Jomart Toqaev.

QR Prezıdenti pandemııa kezinde Qaraǵandy qalasyndaǵy zaýytta Reseıdiń «Spýtnık V» vaktsınasyn óndirý jobasyn ıntegratsııalyq yntymaqtastyqtyń erekshe úlgisi dep sanaıtyndyǵyn basa aıtty.

«Munan ary da pandemııany tabysty eńserý úshin kúsh-jigerimizdi biriktirip, ǵylym men farmatsevtıka salasynda birlesken jobalardy júzege asyrý, qajettilik týyndaǵan jaǵdaıda sanıtarlyq-epıdemıologııalyq rejım ornatý is-áreketterin úılestirý kerek», - dedi Memleket basshysy.


Joǵary qaraı