Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Pandemııanyń otandyq kásipkerlerge tıgizgen saldary anyqtaldy

2020 jyldyń 30 qazan 2020 14:02

NUR-SULTAN. QazAqparat - Elimizde karantın jaǵdaıyna baılanysty qazaqstandyq kásipkerlerge qandaı kómek kórsetý qajettigi saralandy, dep habarlaıdy QazAqparat tilshisi.

«Pandemııanyń adamzat ómirine tıgizgen áseri men saldary bárimizge belgili. Sonyń ishinde bıznesti de aınalyp ótpedi. Koronavırýs indeti etek jaıyp, karantın jaǵdaıy engizilgeli biz qazaqstandyq kásipkerlerdiń basty problemasy men usynystaryn aıqyndadyq. Ol aldymen salyq tóleý merzimin shegerý, nesıe tóleý merzimin shegerý, kommýnaldyq jáne jalǵa alý tólem merzimin uzartý. Sondaı-aq, jumyssyz qalǵan qyzmetkerlerge tólemaqy berý. Odan bólek, otandyq kásipkerler tómen paıyzben qaıta qarjylandyrý men nesıe berýdi suraıdy», - dedi «Atameken» UKP basqarma tóraǵasy Abylaı Myrzahmetov OKQ-de onlaın ótken baspasóz máslıhatynda.

Onyń málimdeýinshe, atyshýly indet odan ári etek jaıǵan jaǵdaıda ulttyq palata úkimetpen birlesip kásipkerlerdi qoldaýǵa arnalǵan baǵdarlama ázirleıtin bolady.

«Búginde pandemııa saldarynan bıznestiń barlyq birdeı salasy zardap shekti deýge bolady. Al oıyn-saýyq ortalyqtary men kıno jáne banket zaldary áli kúnge deıin jabyq tur. Olardyń jaǵdaıy aıtpaı-aq túsinikti. Bul salanyń ókilderi qanshama shyǵynǵa tap boldy. Basqasha aıtqanda, 1 mln-ǵa jýyq kásipker nemese elimizdiń bıznes salasynyń 70% pandemııanyń zardabyn tartty. Ózderińiz biletindeı, keshe ótken kásipkerler palatasynyń VII sezinde Prezıdent naqty tapsyrmalar berdi. Osy oraıda biz Ulttyq ekonomıka mınıstrligine bıznesti qoldaýǵa qatysty naqty usynystar berdik», - deıdi ol.

Eske sala ketsek, keshe Memleket basshysy Qasym-Jomart Toqaevtyń qatysýymen «Atameken» ulttyq kásipkerler palatasynyń VII sezi ótken edi.



Joǵary qaraı