Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Para alǵan: ShQO-da aýdan ákiminiń burynǵy orynbasary túrmege qamaldy

2021 jyldyń 25 qarasha 2021 18:00

ÓSKEMEN. QazAqparat – Shyǵys Qazaqstan oblysy Borodýlıha aýdany ákiminiń burynǵy orynbasary para alǵany úshin túrmege qamaldy, dep habarlaıdy QazAqparat tilshisi.

Aýdandyq sot baspasóz qyzmetiniń málimetine súıensek, Borodýlıha aýdany ákiminiń orynbasary qyzmetin atqarǵan sottalýshy osy jyldyń naýryz-shilde aılary aralyǵynda kólik joldaryn jóndeýge qosymsha kelisimder jasasý kezinde JShS basshysyna kómek kórsetemin dep 1 800 000 teńge para alǵan. Sot barysynda onyń kinási kýágerler sózimen jáne jasalǵan kelisim shart syndy qujattarmen dáleldendi.

«Aıyptalýshy kinásin moıyndamaı, jeńil jaza taǵaıyndaýdy surady. Sot úkimimen ol 3 jyl merzimge túrmege qamaldy. Sonymen qatar aýdan ákiminiń burynǵy orynbasary memlekettik qyzmette jumys isteý quqyǵynan ómir boıyna aıyrylǵan», - delingen aqparatta.

Aıta keteıik, úkim áli zańdy kúshine engen joq.


Joǵary qaraı