Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Paraǵa 30 qoı alǵan túrkistandyq sheneýnikke sot úkim shyǵardy

2021 jyldyń 26 naýryz 2021 18:18

NUR-CULTAN. QazAqparat – Túrkistan oblysynda para retinde 30 qoıdy ıemdengen sheneýnik ómir boıy memlettik qyzmette jumys isteý quqyǵynan aıyryldy, dep habarlaıdy QazAqparat tilshisi.

Bul týraly Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov Antikor ortalyǵynda ótken brıfıngide aıtty.

«Shymkent qalasy Ál-Farabı aýdandyq sotynyń úkimimen Túrkistan oblysynyń sáýlet jáne qala qurylysy basqarmasyna qarasty sáýlet jáne jobalar men nysandardyń smetalyq esebin daıyndaý bóliminiń basshysy Sh.Qojamsúgirov alaıaqtyq jasaǵany úshin memlekettik qyzmette jumys isteý quqyǵynan ómir boıyna aıyryla otyryp, 15 620 000 teńge mólsherinde aıyppul salyndy», - dedi agenttik ókili.

Atalǵan sheneýnik paraǵa 30 qoı aldy degen kúdikpen ustalǵan.

«Ol Shymkent qalasyndaǵy Tashkent tasjolynyń boıynda ornalasqan jer ýchaskesiniń memlekettik aktisin alýǵa kómekteskeni úshin alaıaqtyq jolmen jalpy somasy 1 200 000 teńge bolatyn 30 qoı men 11 000 teńge somasyndaǵy aqshalaı qarajatty aldy degen kúdikke ilingen», - Danııar Bekaıdarov.


Joǵary qaraı