Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Parıjde avtomobılsiz kún ótti

2021 jyldyń 20 qyrkúıek 2021 14:41

PARIJ. QazAqparat – Frantsııa astanasy Parıj qalasy bir kúnniń ishinde avtomobılsiz qalaǵa aınaldy, dep habarlaıdy QazAqparat Reuters agenttigine silteme jasap.

Qala turǵyndary men týrıster Elıseı alańynda erkin qydyra alǵan, sebebi bul kúni el astanasynyń ádette avtomobılge toly kóshelerindegi qozǵalys toqtatyldy.

Bul kúni Parıj turǵyndaryna velosıped, qoǵamdyq kólikterdi belsendi paıdalaný jáne eń bastysy – qalada jaıaý qydyrý usynyldy.

Bul kúni polıtseıler men órt sóndirýshiler, jedel járdem kólikteri, taksı jáne týrıstik avtobýstar ǵana jolǵa shyqqan.

2015 jyly Parıj ortalyq aımaqta avtomobılsiz alǵashqy kúndi ótkizdi, al 2017 jyly bul bastama qala ishindegi basqa aýdandar arasynda da taralǵan. Qala bıligi jyl saıynǵy sharany kólik quraldaryn paıdalanýdy azaıtý jáne aýanyń lastanýyn tómendetý maqsatynda uıymdastyrady.





Basty sózder: Kólik, Ekologııa, Álem,
Joǵary qaraı