Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Parlament depýtattary bir kúndik jalaqysyn «Qazaqstan halqyna» qoryna aýdardy

2022 jyldyń 17 qańtar 2022 09:45

NUR-SULTAN. QazAqparat - Senat pen Májilis depýtattary Memleket basshysy Qasym-Jomart Toqaevtyń «Qazaqstan halqyna» qoǵamdyq áleýmettik qoryn qurý týraly bastamasyn qoldap, bir kúndik jalaqylaryn osy qorǵa aýdardy, dep habarlaıdy QazAqparat.

Bul jaıynda qos palata baspasóz qyzmeti málimet taratty.

«Qazaqstan halqyna» qoǵamdyq áleýmettik qoryn qurýdy el Prezıdenti Qasym-Jomart Toqaev bıylǵy jyldyń 11 qańtarynda Májilis otyrysynda sóılegen sózinde tapsyrǵan bolatyn.

Qor densaýlyq saqtaý, bilim berý jáne áleýmettik qoldaý salalaryndaǵy naqty problemalarmen aınalysady.

Memleket basshysy atap ótkendeı, qorda jınalǵan qarajat sırek kezdesetin aýrýǵa shaldyqqan balalarǵa kómek kórsetýge, qala, aýdan, kent, aýyldarda balalarǵa arnalǵan sport nysandaryn salýǵa, daryndy balalarǵa qoldaý kórsetýge jáne basqa da áleýmettik maqsattarǵa baǵyttalady.


Joǵary qaraı