Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Páter alýǵa kómektesemin: Jambyldyqtar 23 jastaǵy alaıaqqa aldandy

2021 jyldyń 14 maýsym 2021 05:15

TARAZ. QazAqparat – Jambyl oblysynda alaıaq adamdarǵa páter alýǵa kómektesýge ýáde etip, aqshalaryn ıemdenip ketken, dep habarlaıdy QazAqparat tilshisi.

Polıtsııa qyzmetkerleri birqatar alaıaqtyq áreket jasaǵany úshin oblys ortalyǵynyń 23 jastaǵy turǵynyn ustady.

Aldyn ala tergeý barysynda páter alýǵa kómek kórsetý syltaýymen ol Taraz qalasynyń eki turǵynynan 200 myń teńgeden astam somany ıemdengeni anyqtaldy.

«Atalǵan derekterge qatysty Qazaqstan Respýblıkasy Qylmystyq kodeksiniń 190-baby 3-bóligi (Alaıaqtyq) boıynsha sotqa deıingi tergeý amaldary bastaldy. Ustalǵan er adam kinásin tolyq moıyndady, ol Taraz qalasynyń ýaqytsha ustaý ızolıatoryna qamaqqa alyndy»,-delingen oblystyq Polıtsııa departamenti baspasóz qyzmetiniń habarlamasynda.


Joǵary qaraı