Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Páterdi onlaın rásimdeý derbes derekterdiń taralýyna jol ashpaı ma - Baǵdat Mýsınniń jaýaby

2021 jyldyń 17 qarasha 2021 13:44

NUR-SULTAN. QazAqparat – Jyljymaıtyn múlikti onlaın tirkeý protsesi azamattardyń derbes derekterin hakerlerdiń urlaýyna jol ashpaı ma? QR Tsıfrlyq damý, ınnovatsııalar jáne aeroǵaryshtyq ónerkásibi mınıstri Baǵdat Mýsınge Astana Hub alańynda ótken brıfıngide osyndaı suraq qoıyldy, dep habarlaıdy QazAqparat tilshisi.

«Aqparattyq qaýipsizdikti qamtamasyz etý úshin biz bul pılottyq jobanyń ishinde blokcheın tehnologııasyn paıdalandyq. Blokcheın tehnologııasy osy aqparattyq qaýipsizdik máselesin sheshedi. Ol notarıýsten de senimdirek. Óıtkeni búkil protses jazylady jáne derekterdi qaıta aıyrbastaý múlde múmkin emes», - dedi mınıstr.

Sondaı-aq, ol pılottyq jobanyń kómegine júgingenderge aqparattyq qaýipsizdik máselesi boıynsha keńest berdi.

«Qandaı keńes berý kerek degenge kelsek, elektrondy tsıfrlyq qoltańbalardy barynsha qupııa ustaýǵa tyrysqan jón. Basqalarǵa ETsQ-ny usynbaý, kóshirmesin qosymsha tasymaldaýshyda saqtamaý sııaqty saqtyq sharalaryn eskerý qajet.

Biz barlyq jerde bıometrııany qoldanaıyq dep otyrmyz. Uıaly telefon arqyly Egov-qa kirgende bet álpetińizdi ekranǵa kórsetý arqyly birneshe qyzmet alýǵa bolady. Ony ózderińiz kórgen de shyǵarsyzdar. Osy tehnologııany jetildirip, ETsQ men bıometrııany birdeı engizgende ǵana jumys isteıtin qylyp jasaımyz», - degen Baǵdat Mýsın aqparattyq qaýipsizdik máselesinen qorqyp tehnologııada kóshine qalýǵa bolmatıynyn jetkizdi.

«Árıne, tehnologııalardyń damýyna baılanysty aqparattyq qaýipsizdik máseleleri de kúrdelenedi. Hakerlerdi aıtyp jatyrsyzdar. Biraq jańa tásilderge bet burmasaq bolmaıdy. Sondyqtan jańa jobalardyń bárin aqparattyq qaýipsizdik tehnologııalarynyń súıemeldeýimen iske asyryp jatyrmyz», - dedi ol.


Joǵary qaraı