Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Páterdiń qymbattaýyna zeınetaqy jınaǵy ǵana áser etken joq – Lázzat Ibragımova

2021 jyldyń 22 jeltoqsan 2021 19:15

NUR-SULTAN. QazAqparat – «Otbasy bank» AQ basqarma tóraǵasy Lázzat Ibragımova baspana baǵasynyń qymbattaýyna ne yqpal etkenin túsindirdi, dep habarlaıdy QazAqparat.

«Qazirgi álemdik úrdisterdi qaraıtyn bolsaq, barlyq elderde jyljymaıtyn múlik baǵasy qymbattap jatyr. Halyk research toby 2021 jyldyń birinshi jartyjyldyǵyna zertteý júrgizdi, onda Batys Eýropada da, Soltústik Amerıka elderinde de, Kanadada, AQSh-ta da jyljymaıtyn múlik baǵasynyń óskenin kórsetti. Eýrostattyń ınfografıkasynan da Shvetsııa sııaqty Skandınavııa elderinde baǵanyń 10%-dan astam óskenin kóremiz. Eger zeınetaqy jınaǵynyń jyljymaıtyn múlik baǵasynyń ósýine qatysý úlesin baǵalasaq, faktorlardyń tórtten bir bóligi yqpal etti dep oılaımyn», - dedi Lázzat Ibragımova Ortalyq kommýnıkatsııalar qyzmetinde ótken baspasóz máslıhatynda.

Spıkerdiń aıtýynsha, bıyl satý jáne satyp alý mámileleriniń sany ótken jylmen salystyrǵanda áldeqaıda kóp bolǵan.

«Osylaısha, munda kóptegen faktorlar ról atqardy. Buǵan tek zeınetaqy jınaǵy ǵana áser etti dep aıtýǵa bolmaıdy. Jyljymaıtyn múlik baǵasynyń ósýi barlyq jerde baıqalyp otyr, oǵan qosa azyq-túlik jáne ózge de taýarlar baǵasynyń ósýine yqpal etetin ınflıatsııalyq protsester bar. Qurylys materıaldarynyń jekelegen toptaryn alyp qarasaq, armatýra men beton qymbattady. Eńbekaqy mólsheri ózgerdi, kranshylarǵa, qurylys-montaj jumysymen aınalysatyndarǵa suranys artty. Sondyqtan bul jerde BJZQ ǵana áser etti dep aıtýǵa bolmaıdy», - dedi L. Ibragımova.


Joǵary qaraı