Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar halqynyń 86 paıyzy ulttyq sanaqtan ótti

2021 jyldyń 27 qazan 2021 10:01

PAVLODAR. QazAqparat - Óńirdegi sanaq jumysyn aıaqtaý úshin áli de 107 myń adamnan saýalnama alý qajet. Oblystyq statıstıka deppartamenti men qalalyq jáne aýdandyq ákimdikter bul jumysty aptanyń sońyna deıin aıaqtaýǵa ýáde berdi, dep habarlaıdy QazAqparat.

Oblys ákimi baspasóz qyzmetiniń málimetinshe, ákimdiktegi apparat keńesinde óńirdegi halyq sanaǵynyń barysy talqylanǵan.

Ulttyq statıstıka bıýrosy departamentiniń basshysy Jaqan Jakenov óńirdiń 322 turǵyny sanaq saýalnamasyn onlaın toltyrǵanyn, al 320 myń adam sanaqtan offlaın ótkenin atap ótti.

- Barlyq aýdanda sanaq kampanııasy aıaqtaldy deýge bolady, tek Baıanaýyl aýdanynda ǵana 1,7 myń adamnan saýalnama alý kerek, - dedi ol. – Oblys ortalyǵynda - 82 myń adam, Ekibastuzda - 25 myń, Aqsý qalasynda - 3 myń adam saýalnamany áli toltyrǵan joq. Qalalarda sanaq júrgizetin adamdar daıyn. Sonymen birge, saýalnamany www.sanaq.gov.kz saıty arqyly toltyrý múmkindigi taǵy berildi.

Aımaq basshysy Ábilqaıyr Sqaqov jaýapty tulǵalarǵa kelesi dúısenbi kúni Pavlodar oblysynda sanaqtyń tolyq aıaqtalǵany týraly esep berýdi tapsyrdy.

Orta eseppen ár kún saıyn ıntervıýerler 21-22 myń adamnan saýalnama alýy kerek.


Joǵary qaraı