Aýa raıy
Astana 16 °S
Almaty 28 °S
valıýta baǵamy
USD 412.55
EUR 468.66
RUB 5.79
CNY 58.80

Pavlodar oblysynda áýejaıda turǵan ushaqqa jaı tústi

2020 jyldyń 4 shilde 2020 23:00

PAVLODAR. QazAqparat - Pavlodarda áýejaıda turǵan FlyArystan ushaǵyna jaı tústi, dep habarlaıdy QazAqparat pavlodarnews.kz resýrsyna silteme jasap.

Bort Almatyǵa ushaıyn dep daıyndalyp turǵan bolatyn.

«Injenerler ushaqqa jaı túskenin rastady. Ushaq Pavlodarda qalady, bortty tehnıkalyq tekserýden ótkizý kerek. Oqıǵa ornynda ınjenerler jumys istep jatyr» dep habarlady loýkosterdiń PR menedjeri Lázzat Nábıeva.
Onyń aıtýynsha, ushaqqa eshteńe bolmaýy da múmkin. Biraq tehnıkalyq reglament boıynsha báribir ınjenerlik-tehnıkalyq tekserýden ótkizý - mindet.
Kompanııanyń málimetinshe, 133 jolaýshy belgilengen ýaqyt - saǵat 18:33 kezinde Almatyǵa usha almaǵan. Olardy dittegen jerine jetkizý úshin Nur-Sultannan basqa ushaq ushyp shyqqan. Ol jolaýshylardy mingizip, saǵat 23:20 kezinde Almatyǵa ushady.
Lázzat Nábıevanyń sózine sensek, reglament boıynsha kútý kezinde jolaýshylarǵa áýejaıda sýsyn men tamaq berilgen.
Aıta keteıik, buǵan deıin sınoptıkter 4 shilde kúni oblysta naızaǵaı jarqyldap, daýyl soǵatynyn eskertken bolatyn.

Joǵary qaraı