Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysynda baqylaýshylar saılaý ýchaskeleriniń daıyndyǵyn tekserdi

2021 jyldyń 21 shilde 2021 18:15

PAVLODAR. QazAqparat - Búgin Pavlodar oblysynyń Partııalyq emes baqylaý ortalyǵynyń ókilderi saılaý ýchaskelerine baryp, 25 shildede ótetin aýdandyq mańyzy bar qalalardyń, aýyldardyń, kentterdiń, aýyldyq okrýgterdiń ákimderin saılaý qarsańyndaǵy saılaý ýchaskelerdiń daıyndyǵymen tanysty, dep habarlaıdy QazAqparat.

«Pavlodar oblysynyń partııalyq emes baqylaý ortalyǵy» QB jetekshisi Alma Qozbaevanyń aıtýynsha, aýyldyq okrýgterde baqylaýshylardy oqytý júrgizilýde.

«Baǵdarlama daýys berýdi baqylaýdyń praktıkalyq daǵdylaryn alýǵa baǵyttalǵan. Qatysýshylar úshin modeldik ýchaske uıymdastyrylady, onda baqylaýshylar kezdesýi múmkin túrli jaǵdaılardy oınaýǵa bolady. Partııalyq emes baqylaý ortalyǵynyń baqylaýshylary saılaý protsesiniń tikeleı qatysýshylary emes. Bizdiń mindetimiz - búkil saılaý protsesiniń barysyna monıtorıng júrgizýdi uıymdastyrý», - dedi A.Qozbaeva.




Partııalyq emes baqylaý ortalyǵynyń baıqaýshylary Tereńkól aýdany Baıǵúnis aýylynyń № 284 saılaý ýchaskesinde boldy. Saılaý ýchaskelerine barǵan kezde baıqaýshylar múmkindigi shekteýli adamdardyń qoljetimdiligin qamtamasyz etý jaǵdaılaryna, sanıtarlyq normalarǵa erekshe nazar aýdardy.

Aıta ketý kerek, Pavlodar oblysynda baqylaýshylarmen úlken daıyndyq jumystary júrgizildi. Olardyń árqaısysy aldaǵy saılaý máseleleri boıynsha oqytýdan ótti. Barlyq baqylaýshylarǵa ádistemelik materıaldar (bloknot, baqylaýshynyń jadynamasy, baqylaýshynyń quqyqtary men mindetteri) berildi. Oblysta barlyǵy 126 saılaý ýchaskesi uıymdastyryldy.





Basty sózder: Ákim, Saılaý, Pavlodar oblysy,
Joǵary qaraı