Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysynda eki jol apatynan 3 adam qaza tapty

2021 jyldyń 13 qyrkúıek 2021 12:28

PAVLODAR. QazAqparat – Eki oqıǵa da júrgizýshilerdiń kólik júrgizý kezinde uıyqtap qalǵanynan bolǵan, dep habarlaıdy QazAqparat.

«7 qyrkúıek kúni túngi saǵat 03.30 shamasynda Pavlodar-Qyzylorda kúre jolynyń 113-shi shaqyrymyndaǵy úshinshi sorǵy stansasynyń mańynda adam ólimine ákep soqtyrǵan jol-kólik oqıǵasy oryn aldy. Onda «Toıota Kamrı» kóligin júrgizip kele jatqan 34 jastaǵy er adam joldaǵy temir qaqpaqyldaýyshqa soǵylǵan soń kóligi qozǵalys traektorııasyn ózgertip, «Shengrun» tralyn súırep kele jatqan «MAZ» kóligimen soqtyǵysty. Júrgizýshi kólik júrgizý ústinde «uıyqtap qalǵandaı bolǵanyn» túsindirdi. Jol apaty saldaryna «Toıota Kamrıdiń» eki jolaýshysy alǵan jaraqatynan oqıǵa ornynda qaza tapty», - dep baıandady Pavlodar oblystyq polıtsııa departamenti bastyǵynyń birinshi orynbasary Jasqaırat Qaıyrov.

Ol atalǵan oqıǵa boıynsha QR Qylmystyq kodeksi 345-babynyń 4-bólimimen (Kólik quraldaryn júrgizýshi tulǵalardyń jol qozǵalysy nemese kólik quraldaryn júrgizý erejelerin buzý) sot aldyndaǵy tergeý amaldary bastalǵanyn atap ótti.

Adam ólimine sebep bolǵan taǵy bir jol apaty 10 qyrkúıek kúni túngi saǵat 01.10-da, «Pavlodar - Nur-Sultan» kúre jolynda, Shiderdi kentine jaqyn jerde bolǵan. «Toıota Kamrı» kóligin júrgizip kele jatqan er adam jol ústinde uıyqtap qalyp, qarsy baǵytta kele jatqan KamAZ-ben soqtyǵysty», - dep baıandady Pavlodar oblystyq polıtsııa departamentiniń baspasóz qyzmetinen.

Oqıǵa saldarynan «Toıota Kamrıdiń» bir jolaýshysy qaıtys bolyp, ekinshisi kóptegen jaraqatpen aýrýhanaǵa jetkizilgen. Sot aldyndaǵy tergep-tekserý amaldary bastaldy.

2021 jyly Pavlodar oblysynyń joldarynda 356 jol apaty bolyp, saldarynan 31 adam kóz jumdy. Taǵy 504 adam túrli jaraqat alǵan.


Basty sózder: Oqıǵa, Pavlodar oblysy, Kólik, Jol,
Joǵary qaraı