Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Pavlodar oblysynda epıdemıologııalyq jaǵdaı ýshyǵyp tur

2022 jyldyń 28 qańtar 2022 03:05

PAVLODAR. QazAqparat - Ótken aptada – 20 men 26 qańtar aralyǵynda oblysta koronavırýs ınfektsııasynyń rastalǵan 6541 jaǵdaıy tirkeldi. Bul - pandemııa bastalǵannan beri COVID-19 dıagnozy qoıylǵan naýqastardyń jalpy sanynyń shamamen 10 paıyzy, dep habarlaıdy QazAqparat.

Óńirlik kommýnıkatsııalar qyzmetiniń alańynda ótken onlaın-konferentsııa barysynda sanıtarlyq-epıdemıologııalyq baqylaý departamentiniń basshysy Batyrbek Álıev Pavlodar oblysyndaǵy epıdemıologııalyq jaǵdaı týraly aıtty.

Ol búginde Ertis óńiriniń barlyq qalalary men aýdandary koronavırýs boıynsha «qyzyl» aımaqta qalǵanyn atap ótti.

- Qańtar aıynda oblysta koronavırýs ınfektsııasynyń 9145 jaǵdaıy tirkeldi, - dedi spıker. – Ótken kúni COVID-19 juqtyrǵan 910 jaǵdaı anyqtalsa, bir kún buryn bul aýrý 1153 adamda anyqtalǵan.

Batyrbek Álıev oqýshylar arasynda da aýrý-syrqaý ósýi baıqalatynyn aıtty.

Oqý jylynyń basynan beri oblystyń oqý oryndarynyń 2304 tárbıelenýshisinde koronavırýs rastaldy.

Búginde óńirdiń 48 mektebinde birden 88 synyp karantınde jatyr.

Epıdemıologtar Pavlodar oblysynyń turǵyndaryn qyraǵylyqty joǵaltpaýǵa jáne betperde rejımin saqtaýǵa, adamdardyń kóp jınalýyna jol bermeýge jáne barlyq sanıtarlyq talaptardy saqtaýǵa shaqyrady.

Sonymen qatar, sanıtarlyq-epıdemıologııalyq baqylaý departamenti halyqty vaktsınatsııalaý arqyly ujymdyq ımmýnıtetti qalyptastyrý qajettigin eske saldy.


Joǵary qaraı