Aýa raıy
Astana -13 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysynda et óndirisin jyl saıyn 10 paıyzǵa arttyrý kózdelýde

2020 jyldyń 26 qarasha 2020 14:50

NUR-SULTAN. QazAqparat – Pavlodar oblysynda et óndirisin jyl saıyn 10 paıyzǵa arttyrý kózdelip otyr. Bul týraly OKQ-da ótken baspasóz máslıhatynda Pavlodar oblysynyń ákimi Ábilqaıyr Sqaqov málim etti, dep habarlaıdy QazAqparat tilshisi.

«Agroónerkásip keshenine jeke toqtalaıyn. Óńirdiń jalpy ishki óniminde AÓK salasynyń úlesi 8,8 paıyzdy qurap otyr. Bul ındýstrııaly oblys úshin aıtarlyqtaı jaqsy kórsetkish. Osy sebepti aýyl sharýashylyǵy esebinen ekonomıkany ártaraptandyrý múmkindigine ıe boldyq. Bul turǵyda damytýǵa bolatyn úsh baǵyt bar. Olar: sýarmaly jerdi ıgerý, sút pen et óndirisin jolǵa qoıý», - dedi Ábilqaıyr Sqaqov OKQ-da ótken baspasóz máslıhatynda.

Onyń aıtýynsha sýarmaly jerdiń aýmaǵy bıyl 121 myń gektarǵa ósken.

«Myna bir málimetti keltireıin: 52 myń gektarlyq sýarmaly jerden sýarylmaǵan 900 myń gektardan alynǵan ónimge teń egin jınaldy. Oılap qarasańyz 17 ese az jer. ıAǵnı sýarmaly jerdiń kólemin arttyrý jumysy aýyl sharýashylyǵynyń ósimin qamtamasyz etedi», - dedi ákim.

Aımaq basshysy sonymen qatar et jáne sút óndirisine qatysty pikir bildirdi.

«Bıyl 7 sút-taýarly ferma iske qosylsa, aldaǵy úsh jylda taǵy 15-in ashamyz. Bul sút óndirisiniń ónerkásibiniń ósimin 60 paıyzǵa deıin arttyrady. Bıyl oblys 4,4 myń sıyrdy ımporttady. Aldaǵy jyly 5 myń basqa arnalǵan bordaqy alańyn salýdy kózdep otyrmyz. Al bıyl jergilikti qus fabrıkasy kúrketaýyq etiniń óndirisin jolǵa qoıady. Mundaı óndiris oshaǵy Qazaqstannyń eki jerinde ǵana bar. Osylaısha, Pavlodar oblysynda et óndirisin jyl saıyn 10 paıyzǵa arttyrý kózdelip otyr», - dedi ol.


Joǵary qaraı