Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysynda ferroqorytpa zaýyty salynbaq

2020 jyldyń 21 qazan 2020 10:05

NUR-SULTAN. QazAqparat - QR Indýstrııa jáne ınfraqurylymdyq damý mınıstri Beıbit Atamqulov Úndistannyń «Monnet» kompanııalar tobynyń negizin qalaýshy jáne Basqarma tóraǵasy Sandıp Djadjodııamen kezdesti, dep habarlaıdy QazAqparat tilshisi.

Atalǵan mınıstrlik málimetinshe, Úndistan kompanııasy Pavlodar oblysynda ferrosılıtsııa shyǵaratyn metallýrgııalyq zaýyt salýdy josparlap otyr. Zaýyttyń óndiristik qýaty alǵashynda jylyna 15 myń tonna bolsa, keıin 50 myń tonnaǵa deıin arttyrý kózdelgen. Investıtsııanyń aldyn ala kólemi basynda 50 mln dollardy qurasa, ekinshi kezeńde 200 mln dollarǵa deıin jetkiziledi. Zaýyttyń negizgi ónimi eksportqa shyǵarylmaq. Atalǵan kompanııanyń ınvestıtsııalyq operatory – QR Syrtqy ister mınıstrliginiń «Qazaqınvest» AQ.

«Sondaı-aq, Pavlodar oblysynyń Ekibastuz ındýstrııalyq aımaǵy aýmaǵynda ónerkásipti energetıkalyq qoldaý máseleleri, sonymen qatar shıkizatty jetkizýshilerdiń múmkindikteri talqylandy», - delingen vedomstvonyń Telegram kanalynda jarııalanǵan aqparatta.







Joǵary qaraı