Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysynda koronavırýstyń kesirinen júkti áıelder baqylaýsyz qalǵan

2021 jyldyń 14 qyrkúıek 2021 18:57

PAVLODAR. QazAqparat - Pavlodar oblysynda koronavırýstyń kesirinen júkti áıelder baqylaýsyz qalǵan. Bul týraly oblys ákimdiginde ótken apparattyq keńeste óńirlik densaýlyq saqtaý basqarmasynyń basshysy Aıdar Seıitqazınov málim etti, dep habarlaıdy QazAqparat Ravlodarnews.kz-ke silteme jasap.

- 8 aıdyń qorytyndysy boıynsha ana óliminiń bir jaǵdaıy tirkeldi, kórsetkish 100 tiri týǵandarǵa shaqqanda 12,8-ge teń. Al 2020 jyldyń sáıkes kezeńinde ana óliminiń kórsetkishi 100 myń tiri týǵandarǵa shaqqanda 38,3 bolǵan edi. Náresteler ólim-jitiminiń kórsetkishi 1000 týǵandarǵa shaqqanda 7,4-ti qurady (36 jaǵdaı).Bul 2020 jyldyń sáıkes kezeńimen salystyrǵanda 25,4%-ǵa óskenin kórsetedi. Onyń ishinde perınataldyq kezeńde týyndaǵan ólim-jitim sebepteri: júktilikti kótermeý jáne merziminen buryn bosaný jaǵdaılary bar. Bul júkti áıeldermen jumys sapasynyń tómendigin kórsetedi, - deıdi Aıdar Seıitqazınov.

Onyń aıtýynsha, 2020-2021 jyldary alǵashqy medıtsınalyq-sanıtarlyq kómek uıymdary barynsha koronavırýspen kúreske jumyldyrylǵan. Osylaısha júkti áıelder baqylaýsyz qalǵan.
- Qazirgi tańda júktiliktiń erte satysynda esepke qoıý boıynsha jumys kúsheıtildi. Aqparattyq tehnologııalar arqyly vıdeo baqylaý júrgiziledi. Bul jerde áıelderdiń qandaı juqpaly aýrýlarmen aýyrǵany jáne júktilikti josparlaý mańyzdy, - dedi Aıdar Seıitqazınov.

Oblys ákimi Ábilqaıyr Sqaqov eshbir jaǵdaıǵa qaramastan balalardyń jaǵdaıy birinshi kezekte bolýy kerek ekenin aıtyp ótti.
- Bul rette jedel túrde qatelermen jumys isteý kerek. Áıelder konsýltatsııasy dárigerleriniń biliktiligi qanshalyqty joǵary? Ana men bala ólimi - elimizdegi jáne óńirdegi medıtsına salasynyń kórsetkishi. Sondyqtan árbir jaǵdaıdy jeke taldaý qajet. Jergilikti bılik ana men balany qorǵaý boıynsha arnaıy ońaltý baǵdarlamasyn ázirlep, medıtsınalyq uıymdardyń jabdyqtaýlyn, erler kabınetin ashýdy qarastyrý kerek, - dedi aımaq basshysy.


Joǵary qaraı