Aýa raıy
Astana -3 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysynda mas kúıinde kólik júrgizgen aýyl ákimi jumystan qýyldy

2020 jyldyń 9 qarasha 2020 23:45

PAVLODAR. QazAqparat - Pavlodar oblysy Maı aýdany Aqjar aýylynyń ákimi qyzmetinen bosatyldy, dep habarlaıdy QazAqparat.

Bul jaıynda oblys ákimdiginiń baspasóz qyzmeti Telegram paraqshasynda málimet taratty.

«Serik Qusaıynov 2020 jylǵy 9 qarashada Maı aýdany Aqjar aýylynyń ákimi qyzmetinen bosatyldy» delingen habarlamada.

Eske sala keteıik, Aqjar aýylynyń ákimi osydan bir aı buryn 15 táýlikke qamalǵan bolatyn. Serik Qusaıynov 10 qazan, senbi kúni Shyǵys Qazaqstannyń Kýrchatov qalasynda ákimdikke tıesili qyzmet kóligin mas kúıinde júrgizip kele jatqanda ustalǵan.

Sonymen qatar sheneýnikte kólikti basqarý quqyǵyn beretin qujattar bolmaǵan.

Sol kúni polıtsııa aýyl ákimine qatysty Ákimshilik quqyq buzý kodeksiniń 608-babynyń birinshi bóligi boıynsha ákimshilik hattama toltyrdy.


Avtor Janat Qapalbaeva
Basty sózder: Kólik, Ákim, Pavlodar oblysy, Oqıǵa,
Joǵary qaraı