Aýa raıy
Astana 9 °S
Almaty 22 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysynda ulymen birge sýǵa batqan er adamnyń denesi tabyldy

2020 jyldyń 7 tamyz 2020 07:43

PAVLODAR. QazAqparat – Pavlodar oblysynda ulymen birge sýǵa batqan er adamnyń denesi tabyldy. Máıitti marqumnyń týystary taýyp alǵan, dep habarlaıdy QazAqparat tilshisi.

«6 tamyz kúni saǵat 09:10-da Pavlodar aýdanynda Syntas aýylynan bes shaqyrym jerde Ertis ózeninde (Ońtústik sý bógeti aýdany) jedel-qutqarýshy bólimsheniń kúsh-quraldary (eki qutqarýshy jáne bir júzý quraly) 1973 jyly týǵan Sergeı Kýregenovti izdeý jumystaryn júrgizgen edi. Ol 1 tamyz kúni saǵat 14:25-te shomylýǵa ruqsat etilmegen jerde sýǵa túsip, batyp ketken (otbasymen demalýǵa kelgen) bolatyn. Altynshy tamyz kúni saǵat 17:35-te marqumnyń týystary máıitti taýyp aldy», - dep habarlady Pavlodar oblysynyń Tótenshe jaǵdaılar departamentiniń baspasóz qyzmeti.

Er adamnyń máıiti tabylǵan jerge jedel-tergeý toby keldi. Buǵan deıin habarlaǵandaı, 1 tamyzda Pavlodar qalasynyń ońtústik sý bógetinde ákesi men balasy sýǵa batyp ketken bolatyn. Ulynyń denesi sol kúni tabylǵan edi.

Avtor: Anton Gagarın


Basty sózder: Pavlodar oblysy, Oqıǵa,
Joǵary qaraı