Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysyndaǵy Maı aýdanynda ákim aýysty

2021 jyldyń 23 qyrkúıek 2021 11:02

PAVLODAR. QazAqparat - Marat Aqtaevtyń ornyna kelgen Aǵybaı Ámirın aýdandy basqarady. Jergilikti aktıvke jańa basshyny Pavlodar oblysynyń ákimi Ábilqaıyr Sqaqov tanystyrdy, dep habarlaıdy QazAqparat Ravlodarnews.kz saıtyna silteme jasap.

Aımaq basshysy Maı aýdanyn eki jyldan astam ýaqyt basqarǵan Marat Aqtaevqa atqarǵan jumysy úshin alǵys aıtyp, jańa ákimge birinshi kezektegi mindetterdi iske asyrýdy tapsyrdy. Olardyń qatarynda aýdannyń ınvestıtsııalyq tartymdylyǵyn arttyrý, bıznesti qoldaý, mal sharýashylyǵy men sýarmaly eginshilikti damytý, aýyl jastaryna kómek kórsetý jáne t. b. bar.
Aǵybaı Ámirın 1972 jyly Baıanaýyl aýdanynda dúnıege kelgen. 1995 jyly Pavlodar pedagogıkalyq ınstıtýtyn «Matematıka jáne ınformatıka muǵalimi» mamandyǵy boıynsha, 2006 jyly Qazaq gýmanıtarlyq zań ýnıversıtetin zańger biliktiligi boıynsha, al 2013 jyly Innovatsııalyq Eýrazııa ýnıversıtetin «Ekonomıka jáne bıznes» jáne «Quqyqtaný» mamandyǵy boıynsha támamdaǵan.
Eńbek jolyn 1995 jyly Pavlodar qalasyndaǵy № 3 gımnazııa-ınternatynda matematıka jáne esepteý tehnıkasy pániniń muǵalimi bolyp bastady. 1999 jyldan bastap Aqsý qalasynyń Kýıbyshev orta mektebinde sabaq berdi jáne dırektordyń orynbasary qyzmetin atqardy.
2003 jyly Aqsý qalasynyń quramyna kiretin Aqjol aýylynyń ákimi bolyp taǵaıyndaldy. 2006 jyly oblystyq memlekettik qyzmet isteri jónindegi basqarmasyna jumysqa aýysyp, keńesshi laýazymynda qyzmet etip, keıin memlekettik qyzmet jáne sybaılas jemqorlyqqa qarsy kúres týraly zańnamalardyń saqtalýyn baqylaý bólimin basqardy.
2012 jyly Pavlodar oblysy ákimi apparatynda uıymdastyrý-ınspektorlyq bólimniń basshysy, 2014 jyly oblys ákimi apparaty basshysynyń orynbasary bolyp taǵaıyndaldy. 2016 jyly Aqtoǵaı aýdanynyń ákimi bolyp taǵaıyndaldy.
2018 jyly Pavlodar oblysy ákiminiń apparatyna oralyp, osy memlekettik mekemeni basqardy. 2020 jyldan bastap apparat basshysynyń orynbasary laýazymyna taǵaıyndaldy. 2021 jyldyń sáýir aıynda Sharbaqty aýdany ákiminiń orynbasary bolyp, ekonomıka jáne turǵyn úı-kommýnaldyq sharýashylyǵy salalaryna jetekshilik etti.


Basty sózder: Ákimdik, Taǵaıyndaý, Pavlodar oblysy,
Joǵary qaraı