Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysynyń Aqparat jáne qoǵamdyq damý basqarmasyna jańa basshy keldi

2021 jyldyń 22 aqpan 2021 13:25

PAVLODAR. QazAqparat – Pavlodar oblysy Aqparat jáne qoǵamdyq damý basqarmasynyń basshysy bolyp Azamat Baıtenov taǵaıyndaldy. Bul týraly óńir ákimdiginen málim etti, dep habarlaıdy QazAqparat.

Azamat Baıtenov 1987 jyly Pavlodar oblysynyń Ýspen aýdanynda dúnıege kelgen. 2009 jyly Pavlodar memlekettik pedagogıkalyq ınstıtýtyn «Tarıh» mamandyǵy boıynsha támamdaǵan. 2012 jyly osy joǵary oqý ornynan tarıh magıstri dárejesin aldy.

Eńbek jolyn 2009 jyly №3 Ýspen orta mektebinde tarıh pániniń muǵalimi bolyp bastaǵan.

2011-2012 jyldary Pavlodar oblysy ákiminiń baspasóz qyzmetinde jumys istedi.

Sodan keıin Pavlodar ákimdigine jumysqa aýysyp, onda 2014 jylǵa deıin baspasóz qyzmetin basqardy.

2014 jyly «Pavlodarnews.kz» aqparattyq agenttiginiń bas redaktory boldy. Sol jyly Pavlodar qalasy ákiminiń baspasóz qyzmetiniń basshysy laýazymyna oraldy.

2015 jyly Azamat Baıtenov Pavlodar qalasynyń ishki saıasat bólimi basshysynyń orynbasary bolyp taǵaıyndaldy.

2016-2019 jyldary Pavlodar oblysy ákiminiń baspasóz qyzmetin basqardy. 2019 jyldan 2020 jylǵa deıin oblystyń Aqparat jáne qoǵamdyq damý basqarmasy basshysynyń orynbasary qyzmetin atqardy.

2020 jyldyń sáýir aıynda «Ertis Medıa» JShS dırektory bolyp taǵaıyndaldy.


Joǵary qaraı