Aýa raıy
Astana -12 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysynyń mádenıet basqarmasyna jańa basshy taǵaıyndaldy

2020 jyldyń 10 qarasha 2020 23:55

PAVLODAR. QazAqparat - Samal Begalınova Pavlodar oblysynyń mádenıet, tilderdi damytý jáne arhıv isi basqarmasynyń basshysy bolyp taǵaıyndaldy, dep habarlaıdy QazAqparat.

Bul jaıynda oblys ákiminiń baspasóz qyzmeti Telegram paraqshasynda málim etti.

Samal Begalınova 1984 jyly Baıanaýyl aýdanynda týǵan.

2006 jyly Pavlodar memlekettik pedagogıkalyq ınstıtýtyn «Aǵylshyn tili muǵalimi», 2017 jyly S. Toraıǵyrov atyndaǵy Pavlodar memlekettik ýnıversıtetiniń magıstratýrasyn «Áleýmettik bilim» mamandyǵy boıynsha támamdady.

Kolledjdi támamdaǵan soń, 2003 jyly eńbek jolyn Baıanaýyl aýdany Aqsan aýylyndaǵy orta mektepte shet tili muǵalimi bolyp bastady. 2005 jyldan 2006 jylǵa deıin Pavlodar aýdanynyń «Ortalyqtandyrylǵan kitaphana júıesiniń» dırektory bolyp jumys istedi.

2006-2009 jyldary Samal Begalınova Pavlodar aýdanynyń mádenıet jáne tilderdi damytý bóliminiń jetekshi mamany, bas mamany boldy. 2009-2013 jyldary Pavlodar oblysy mádenıet basqarmasynyń bas mamany, bólim basshysy laýazymdaryn atqardy.

2013-2015 jyldary Pavlodar aýdanynyń mádenıet, tilderdi damytý, dene shynyqtyrý jáne sport bólimin basqardy. 2015-2016 jyldary Aqsý qalasynyń mádenıet jáne tilderdi damytý bóliminiń basshysy boldy.

2016 jylǵy jeltoqsannan qazirgi taǵaıyndaýǵa deıin Samal Begalınova Pavlodar qalasynyń mádenıet jáne tilderdi damytý bóliminiń basshysy bolyp qyzmet jasaǵan.


Joǵary qaraı