Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar oblysynyń sheneýnikteri «qalyptasqan ımmýnıtet» jaıynda aıtyp berdi

2021 jyldyń 5 mamyr 2021 10:15

PAVLODAR. QazAqparat - Pavlodar oblysy ákimdiginiń sheneýnikteri «Prıobretaıa ımmýnıtet» («Immýnıtet qalyptastyrý jolynda») fılminde 2020 jylǵy indetpen kúresý jolyndaǵy oqıǵalar jáne odan alǵan sabaqtarymen bólisken. Onda aımaq oqshaýlanyp, blokbeketter qoıylyp, juqpaly aýrýlar aýrýhanalary ashylyp jatqan qaýyrt kezeńde qatelesýge bolmaıtyn ári shuǵyl sheshimderdiń qalaı qabyldanǵany týraly aıtylady, dep habarlaıdy QazAqparat.

- Birden bir qabyldanǵan ońtaıly sheshim - ol «Baıantaý» sport saraıynda trıaj ortalyǵy ashylǵany. Onda patsıentter syrqatynyń aýyrlyǵyna qaraı suryptalyp otyrdy. ıAǵnı, háli aýyrlary bir aýrýhanada, ortashasy ekinshisine, qanaǵattanarlyq jaǵdaıda bolǵandar úshinshisi medıtsınalyq mekemege jetkizilip otyrdy. Trıaj ortalyǵy jedel járdemniń jumysyn jeńildetýge aıtarlyqtaı kómektesti, tek osy ortalyq arqasynda biz jaǵdaıdan shyqtyq, - deıdi Densaýlyq saqtaý basqarmasynyń basshysy Aıdar Seıitqazınov.


Pandemııaǵa jáne onyń saldaryna qatysty qabyldanǵan taǵy bir shuǵyl sheshim týraly óńir basshysynyń orynbasary Sáken Shaıahmetov eske alady. Karantındik shekteýler engizilgennen keıin oblys turǵyndary úshin jedel, tipti osy mezette sheshilýi qajet suraqtar qordalana bastaıdy. Sóıtp, jaǵdaıdy retke keltirý maqsatynda jedel shtabtyń kezekti otyrysynda oblys ákimi Ábilqaıyr Sqaqovtyń tóraǵalyǵymen jedel áreket etý ortalyǵyn qurý týraly sheshim qabyldanady.

- Jedel áreket ortalyǵynda basqarma basshylary men olardyń orynbasarlary táýlik boıy jumys istedi. Olar sol jerde turǵyndarmen telefon arqyly máselelerin sheship, túsindirý jumystaryn júrgizip otyrdy. Birinshi táýlikte jedel áreket etý ortalyǵynda 5 myń qońyraý qabyldady, al jalpy 100 mynań asa ótinish kelip tústi. Bul turǵyndarmen osyndaı baılanys jelisin ornatýdyń tıimdi bolǵanyn kórsetedi, - deıdi Ortalyq kommýnıkatsııalar qyzmetine jetekshilik etken Sáken Shaıahmetov.




Taǵy bir der kezinde qolǵa alynǵan mańyzdy shara dárilik turaqtandyrý qoryn qurý boldy. Farmatsevtıkalyq kompanııa dırektory ústirtin jaǵdaıda jumys isteýge týra kelgenin aıtady.

- Shildeden qazan-qarashaǵa deıin júk kólikteri aptasyna 3-4 ret keletin. Qazir jaǵdaı túzeldi, oblys dárihanalarynda dene qyzýyn túsiretin, vırýsqa qarsy preparattar, antıkoagýlıanttar – barlyǵy 30-dan astam dári-dármek túrleri azaımaıtyn eki aılyq qory bar, - dep atap ótti Ashat Ákimbekov.

Densaýlyq saqtaý salasynynan ózge, óńirdiń kóptegen basqa baǵyttarynda da máselen, bilim berý, bıznesti qoldaý, aýyldyq jerlerde ınternet baılanysyn jaqsartý sııaqty máseleler sheshimin taýyp jatty. Al, sol kezde úreıli halyq jappaı dúkenge júgirýiniń saldarynan týyndaǵan azyq-túlik qaýipsizdigi máselesi týraly oblys ákiminiń orynbasary Asaıyn Baıhanov bylaı deıdi:

- Jete me, jetpeı me? Mysaly, halyq: «Qant bitip qala ma nemese kúrish bitip qala ma?» degen oıda boldy. Sol saýaldarǵa jedel ári durys jaýap berý kerek boldy? Taýar jetkizý tizbegi úzilmeýi úshin saýda jelilerimen, bizdiń fermerlermen kelissizder júrgizip, úlken jumys atqardyq. Sol ýaqytta, sáýir aıynda, azyq-túlik turaqtandyrý qorynda 600 tonna ónim bolǵan. Bir aı 10 kún ishinde biz azyq-túlik qorynyń kólemin 5 myń tonnaǵa deıin jetkizdik. Al, aýyl sharýashylyq kásipkerleri úshin «jasyl dáliz «uıymdastyryldy», - deıdi Baıhanov.




Fılmde Pavlodarda eki aı ishinde modýldik juqpaly aýrýlar gospıtaliniń qalaı salynǵany da eske alynady, onda oblystyq densaýlyq saqtaý basqarmasynyń basshysy osy nysannyń kóptegen adamdardyń ómirin saqtap qalýǵa sebep bolǵanyn aıtady.

- Men qatty tań qaldym, osy aýrýhanany kórgende! Ony qaı kezde salyp úlgergen?! Sene almadym! Medpersonal óte sypaıy, kásibı qural-jabdyqtardyń bári bar, - dep óz áserimen bólisti gospıtaldaǵy emdelýshilerdiń biri Vıktor Býtenko.




2020 jyly Pavlodar oblysynda densaýlyq saqtaý júıesin resýrstyq qamtamasyz etý aıtarlyqtaı jaqsardy. Jedel járdem stantsııasynyń avtoparki tolyǵymen jańartyldy, ÓJJ apparattarynyń sany úsh esege, ottegimen qamtamasyz etý núkteleriniń sany jeti esege, ottegi stantsııalarynyń sany 5,5 esege ulǵaıdy. Medıtsınalyq qyzmetkerler rezervinde 600-ge jýyq maman bar. Qazir óńirde egý naýqany júrip jatyr, búginde vaktsınanyń birinshi jáne ekinshi komponentterin oblystyń 65 myńnan astam turǵyny alǵan.


Foto: Valerıı Býgaev
Joǵary qaraı