Aýa raıy
Astana -18 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar turǵyndary qymbat sý eseptegishin satyp alýǵa mindetti emes – mekeme

2020 jyldyń 12 qazan 2020 08:31

PAVLODAR. QazAqparat - Pavlodarlyqtar qymbat sý eseptegishin satyp alýǵa mindetti emes. Tabıǵı monopolııalardy retteý komıtetiniń Pavlodar oblysy boıynsha departamenti osylaı málim etti, dep habarlaıdy QazAqparat oblys ákimdiginiń baspasóz qyzmetine silteme jasap.

Tabıǵı monopolııalardy retteý komıtetiniń Pavlodar oblysy boıynsha departamenti «Pavlodar-Vodokanal» JShS usynatyn radıomodýldi esepteý quralynyń balamasyn qarastyrdy.

«Balama eseptegishter derekterdi qashyqtan berý qurylǵysymen jabdyqtaýǵa tehnıkalyq múmkindik beredi. Bul rette mundaı sýdy esepke alý quraldarynyń quny «Pavlodar-Vodokanal» JShS usynǵannan áldeqaıda tómen», delingen habarlamada.
Sonymen qatar, departament monopolıstik kompanııa usynatyn radıomodýldi eseptegishi baǵasynyń qanshalyqty negizdi ekenin zertteıdi.

«Pavlodar-Vodokanal» JShS atalmysh quraldardyń qunyn monopolııaǵa qarsy vedomstvomen kelisken joq, osyǵan baılanysty tutynýshylardy kórsetilgen sý esepteý quralyn ornatýǵa mindetteýge quqyǵy joq», delingen habarlamada.


Joǵary qaraı