Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Pavlodar turǵynynyń atynan ápkesi 1 mln teńgege nesıe rásimdegen

2022 jyldyń 28 mamyr 2022 20:29

NUR-SULTAN. QazAqparat – 63 jastaǵy áıel pavlodarlyq týysynyń uıaly telefonynan bankke qońyraý shalyp nesıe rásimdegen, dep habarlaıdy QazAqparat Pavlodar oblystyq polıtsııa departamentiniń baspasóz qyzmetine silteme jasap.

«Bıyl naýryzda Pavlodar turǵyny Óskemennen kelgen ápkesine qonaqqa barǵan. 63 jastaǵy óskemendik týysy qońyraý shalý úshin uıaly telefonyn surap, basqa bólmege ketip qalady. Keıin anyqtalǵandaı, ápkesi pavlodarlyq týysynyń atynan bankke habarlasyp, 1 mln teńgeden astam somaǵa nesıe rásimdegen. Zardap shegýshi bolǵan jaıt týraly bank qyzmetkerleri nesıeniń tólenbeýine qatysty habarlasqan kezde bilgen», - delingen resmı habarlamada.

Qazir Qylmystyq kodekstiń 190-babyna sáıkes alaıaqtyq faktisi boıynsha sotaldy tergeý amaldary júrip jatyr.

«Kúdiktige qatysty «kelý mindettemesi» protsessýaldyq májbúrleý sharasy tańdaldy. Osy oraıda polıtsııa qaýipsizdik sharasyn saqtaýǵa shaqyrady. Uıaly telefondy bógde kisi asha almaýy úshin qupııasóz qoıyńyzdar. Jeke derekter men PIN-kodty bireýge bermeńizder», - degen eskertý jasady atalǵan vedomstvo.


Avtor Álı Ibraev
Basty sózder: Pavlodar oblysy, Nesıe, Qarjy,
Joǵary qaraı