Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Pavlodarda ashýlanǵan áıel kúıeýiniń kóligin esepten shyǵaryp tastaǵan

2022 jyldyń 25 mamyr 2022 07:32

PAVLODAR. QazAqparat - Jalǵan nómirmen júrgen Pavlodar turǵyny jaýapkershilikke tartyldy, dep habarlaıdy QazAqparat.

Pavlodar kóshelerinde qoǵamdyq tártipti jáne jol erejesin saqtaý monıtorıngi kezinde beınebaqylaý ınspektory qala boıynsha jalǵan nómirmen júrgen, biraq tirkeý esebinde jok «Infınıtı» avtokóligin anyqtady.

Kólik týraly búkil aqparatty dereý ınspektor jaqyn mańdaǵy polıtsııa patrýline berdi, olar júrgizýshini toqtatty.

Polıtseılerden kóliginiń tirkeý esebinen shyǵarylǵanyn, al memlekettik nómirdiń jalǵan ekenin bilgen 36 jastaǵy pavlodarlyq tań qaldy.

Keıin kóliktiń ıesi onyń áıeli ekeni belgili boldy.

Degenmen qazirgi ýaqytta erli-zaıyptylar ajyrasý ústinde jáne kúıeýine ashýlanǵan áıeli bul týraly eshteńe aıtpastan kólikti esepten shyǵarǵan.

«Bul júrgizýshini jaýapkershilikten bosatpaıdy. Sondyqtan er adamǵa qatysty QR ÁQBtK 590-babynyń 4-bólimi boıynsha ákimshilik hattama toltyrylyp, kólik quraly aıypturaqqa qoıyldy» dep málim etti Pavlodar oblysy polıtsııa departamentiniń baspasóz qyzmeti.



Joǵary qaraı