Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodarda birqatar kósheler jóndeý jumysyna jabylady

2021 jyldyń 28 shilde 2021 23:11

PAVLODAR. QazAqparat - 30 shildede oblys ortalyǵynda Sátbaev, Astana jáne Baıan batyr kósheleriniń jol jabyndysyn jóndeý jumystary bastalady, dep habarlaıdy QazAqparat.

Pavlodar oblysynyń ákimi qala basshylyǵynyń oblys ortalyǵyndaǵy jol jóndeý josparymen tanysty.

Ábilqaıyr Sqaqov jóndeý jumysyn uıymdastyrýǵa jaýapkershilikpen qarap, pavlodarlyqtarǵa kóshelerdiń ýaqytsha jabylýy týraly der kezinde habarlaýdy jáne jóndeý jumystarynyń sapasyn qatań baqylaýdy tapsyrdy.

Astana kóshesiniń joly kúrdeli jóndeýden ótedi.

Merdiger uıymdar Toraıǵyrov kóshesinen bastap Lomov kóshesine deıingi aralyqty ýchaskelerge bólip jóndeıdi.

Ak. Sátbaev jáne Baıan batyr kóshelerinde «Onyx» polımerli jabyndysynyń ornyna asfalt-betondy jabyndy salý týraly sheshim qabyldandy.

Jaqyn kúnderi bul kóshelerde jol jabyndysyn frezerleý jumysy bastalady.

Ak. Sátbaev kóshesindegi jóndeý jumystary Toraıǵyrov kóshesinen Qaıyrbaev kóshesine deıin jáne Krıvenko kóshesinen Estaı kóshesine deıingi aralyqta júrgiziledi.

Baıan batyr kóshesine keletin bolsaq, munda jóndeý jumystary Hımqalashyqtaǵy aınalmadan Toraıǵyrov kóshesine deıin júrgiziledi.

Barlyq úsh kóshedegi jóndeý jumystaryn 15 kúnniń ishinde aıaqtaý josparlanyp otyr.


Joǵary qaraı