Aýa raıy
Astana -16 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodarda bıýdjet qarjysyna kreslo satyp alǵan qyzmetker jazalandy

2020 jyldyń 30 qarasha 2020 10:16

PAVLODAR. QazAqparat - 2020 jylǵy 23-27 qarasha aralyǵynda «Ertis – adaldyq alańy» jobalyq keńsesi «Ashyq bıýdjet» jobasy sheńberinde «Ashyq bıýdjetterdiń ınteraktıvti kartasy» portalynda oblystyń memlekettik organdarynyń bıýdjetterine monıtorıng júrgizdi, dep habarlaıdy Ravlodarnews.kz.

«Monıtorıng nátıjesinde oblys qalalarynyń biriniń memlekettik mekemesi 96 000 teńgege bir keńse kreslosyn satyp alǵany anyqtaldy. Alaıda Qazaqstan Respýblıkasy Prezıdentiniń «Ortalyq, jergilikti memlekettik organdar men kvazımemlekettik sektor sýbektilerindegi shyǵystardy qysqartý jónindegi sharalar týraly» 2020 jylǵy 25 mamyrdaǵy ókimimen jergilikti atqarýshy organdar men olarǵa vedomstvolyq baǵynysty memlekettik mekemelerdi qosa alǵanda 3 jyl merzimine keńse jıhazyn satyp alýǵa tyıym salyndy», - deıdi jobalyq keńsede.

Keńse jıhazyn satyp alý jónindegi talaptar ortalyq memlekettik organdar men olarǵa vedomstvolyq baǵynysty memlekettik mekemeler, jergilikti bıýdjetten qarjylandyrylatyn atqarýshy organdar jáne olarǵa vedomstvolyq baǵynysty memlekettik mekemeler qurylǵan jaǵdaılarǵa qoldanylmaıdy.
Osyǵan baılanysty, memlekettik organǵa keńse jıhazyn satyp alýǵa qoldanystaǵy tyıym salý týraly habarlama-hat joldandy. Habarlama-hattan keıin memlekettik satyp alýdy júzege asyrý kezinde zań buzýshylyqqa, atap aıtqanda, joǵaryda atalǵan ókimniń talaptaryn saqtamaǵany úshin jaýapty laýazymdy tulǵaǵa sógis túrinde tártiptik jaza qoldanyldy.
2020 jyldyń jeltoqsan aıynda jergilikti ýákiletti organmen aýdannyń laýazymdy tulǵalarymen memlekettik satyp alý salasyndaǵy qoldanystaǵy zańnama talaptaryn saqtaý boıynsha jalpyǵa birdeı quqyqtyq oqytý ótkizý jáne ókim talaptaryn qaıta jetkizý josparlanýda.


Joǵary qaraı