Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodarda iri saýda oryndarynda qazaq tili kabınetteri ashylady

2021 jyldyń 15 qazan 2021 03:10

NUR-SULTAN. QazAqparat – Bıyl qaladaǵy iri saýda ortalyqtarynyń qyzmetshilerine arnalǵan qazaq tili synyptary ashylady jáne kelesi jyly bul is jalǵasyn tabatyn bolady, dep habarlaıdy Ravlodarnews.kz.

Pavlodar oblysynyń mádenıet, tilderdi damytý jáne arhıv isi basqarmasynyń bastamasymen Halyqaralyq «Qazaq tili» qoǵamynyń oblystyq fılıaly men Pavlodar oblysynyń kásipkerler palatasy arasyndaǵy ózara yntymaqtastyq týraly memorandýmǵa qol qoıyldy.

- Atalǵan memorandýmnyń maqsaty memlekettik tildiń turmystyq qyzmet kórsetý salalarynda, anyqtamalyq-aqparattyq qyzmette qoldanylýyn qamtamasyz etý, onyń áleýmettik rólin jáne deńgeıin arttyrý bolyp tabylady. Sońǵy kezderi osy taqyrypqa qatysty túsinispeýshilik týyndap jatqany belgili. Sondyqtan kelesi jyly shaǵyn jáne orta bıznes ókilderi arasynda tildik kýrspen 150 adam qamtylady. Kásipkerlik salasynda mundaı kýrs alǵash ret uıymdastyrylady, - deıdi oblystyq mádenıet, tilderdi damytý jáne arhıv isi basqarmasynyń bólim basshysy Erjan Sovetuly.

Budan bólek, startap-jobalar uıymdastyrý, tegin tilasharlar men sózdikter taratý josparlanyp otyr.

Oblystyq kásipkerler palatasynyń bazasynda shaǵyn jáne orta bıznes ókilderine arnalǵan ádistemelik kómek kórsetý boıynsha front-ofıs kabınetin ashý josparlanýda.

Memorandým memlekettik tildiń turmystyq qyzmet kórsetý salalary men bıznes ortada turaqty damýyn qamtamasyz etip, áleýmettik rólin arttyrýdy kózdeıdi.


Basty sózder: Qoǵam, Pavlodar oblysy, Til,
Joǵary qaraı