Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodarda «Qasıetti Qazaq eli» halyqaralyq óner festıvali ótti

2021 jyldyń 16 qazan 2021 10:49

PAVLODAR. QazAqparat - 14-15 qazanda Pavlodarda el Táýelsizdiginiń 30 jyldyǵyna oraı dástúrli «Qasıetti Qazaq eli» halyqaralyq óner festıvalin ótkizý qaıta bastaldy, dep habarlaıdy QazAqparat.

Festıvalge elimizdiń barlyq óńirlerinen kelgen qazaqstandyqtar, Túrkııa, Mońǵolııa, Reseı, Qytaı, Ózbekstan sııaqty alys jáne jaqyn shetelderden kelgen 40 otandasymyz qatysty.

«Qasıetti Qazaq eli» halyqaralyq óner festıvaliniń Gran-Prı ıegerleri men júldegerlerine úsh nomınatsııa boıynsha arnaıy medaldar, dıplomdar men baǵaly syılyqtar tabys etildi.
Festıval qorytyndysy boıynsha «Vokal» nomınatsııasynyń bas júldesin Túrkııadan kelgen otandasymyz Gúlbýsa Shendýran aldy. Ol Ankaradaǵy Túrkııa memlekettik konservatorııasynda opera synybynda oqıdy.
«Halyqtyq qoldanbaly qolóner» nomınatsııasynyń jeńimpazdary qazaqstandyq Anar Jýragat pen Týǵanaı Jolakova, Reseıden kelgen qandastarymyz Artyqbaı Smaǵulov jáne Ózbekstannan Álibek Nyshanbaev boldy.
«Múshaıra» janry boıynsha: Ózbekstannan Jarasqan Merzamýratov, Mońǵolııadan Danagúl Isahýl jáne Shamshyraq Haýtaı, Qazaqstannan Ashat Táttimbek.
«Terme» baǵyty boıynsha Pavlodar oblysynyń turǵyny Azamat Bazarbaı arnaıy syılyqqa ıe boldy.

Festıvaldiń mazmundy bóligi túrli elde turatyn qandastardyń birligi men patrıotızmi ıdeıalaryn ilgeriletýge baǵyttalǵan.
Esterińizge sala keteıik, festıval qandastar úshin dástúrli is-sharaǵa aınaldy, onyń maqsaty: otandastardyń shyǵarmashylyq jáne bilim berý áleýetin arttyrý, qazaq dıasporasyna ana tili men mádenı qundylyqtardy oqytýda ádistemelik jáne uıymdastyrýshylyq qoldaý kórsetýdiń mańyzdy máselelerin talqylaý, daryndy oryndaýshylardy anyqtap, olardy qoldaý.

Festıval Aqparat jáne qoǵamdyq damý mınıstrliginiń qoldaýymen «Otandastar qory» men «Dúnıejúzi qazaqtary qaýymdastyǵy» birlese otyryp uıymdastyryldy.












Joǵary qaraı