Aýa raıy
Astana -26 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodarda oıyn termınaldary joıyldy

2020 jyldyń 4 tamyz 2020 16:30

PAVLODAR. QazAqparat – Pavlodarda oıyn termınaldary joıyldy, dep habarlaıdy QazAqparat Qarjy monıtorıngi komıtetiniń baspasóz qyzmetine silteme jasap.

Komıtettiń Pavlodar oblysy boıynsha Ekonomıkalyq tergeý departamenti qyzmetkerleri 30 shildede «KAZ ECO PVL» JShS kómegimen 7 oıyn termınalyn joıdy.

«Bul oıyn termınaldary oıyn bıznesi salasyndaǵy zańsyz qyzmetti uıymdastyrý faktileri boıynsha qylmystyq iske qarsy júrgizilgen jedel-izdestirý is-sharasy barysynda Pavlodar qalasynyń aýmaǵynda tárkilendi. Oıyn termınaldary bólshektelip, odan ári arnaıy prespen myjylyp, joıyldy. Bul – tolyǵymen ekologııalyq qaýipsiz ádis», delingen habarlamada.

Komıtet QR oıyn bıznesi týraly zańnamasynda belgilengen oryndardan tys jerlerde zańsyz oıyn bıznesin uıymdastyrǵany jáne soǵan oryndardy bergeni úshin QR QK 307-babyna sáıkes jaýapkershilik qarastyrylǵanyn eskertedi.

«Oıyn bıznesi týraly» zańǵa sáıkes kazıno men oıyn avtomattarynyń zaldary tek arnaıy belgilengen oıyn aımaqtarynda ornalasýy qajet.

Zańsyz oıyn bıznesi týraly aqparat bolsa, komıtettiń – 8 (7172) 70-84-78, nemese Pavlodar oblysy boıynsha ETD – 8 (7182) 61-33-05, 8 (702) 816-01-81 senim telefondaryna habarlaýǵa bolady.


Basty sózder: Basqa memorgandar, Pavlodar oblysy,
Joǵary qaraı