Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodarda úsh bala men anasynyń jumbaq ólimine qatysty málimet shyqty

2021 jyldyń 1 tamyz 2021 04:44

NUR-SULTAN. QazAqparat – Pavlodarda úsh bala men anasynyń jumbaq ólimine qatysty qylmystyq is Qazaqstan Respýblıkasy QІJK-niń 35-babynyń 1-bóligi 11-tarmaǵynyń negizinde toqtatyldy, dep habarlaıdy Ravlodarnews.kz.

- Qazaqstan Respýblıkasy QK-niń 99-baby 3-bóligi boıynsha sotqa deıingi tergep-tekserý júrgizildi. Іs boıynsha jınalǵan dáleldemelerdi eskere otyryp, bul qylmysty jas balalardyń anasynyń ózi jasaǵandyǵy anyqtaldy, - dep habarlady oblystyq polıtsııa departamentinde.

Eske sala keteıik, byltyr kúzde Pavlodarda páterden úsh bala men anasynyń denesi tabylǵan. 9 qarasha kúni saǵat 12:00-de polıtsııaǵa er adamnan Aımanov kóshesi, 2 mekenjaıy boıynsha ornalasqan úıdegi páterden tórt adamnyń denesi tabylǵany týraly habarlama túsken.

Oqıǵa ornyna kelgen jedel-tergeý toby páter ıesi úıge oralǵannan keıin esikti asha almaǵanyn anyqtady, óıtkeni esik ishki jaǵynan jabylǵan. Kórshilerden quraldy alyp, esikti ashqan.

Páterge kirgen kezde bólmelerdiń birinen zorlyq-zombylyq belgileri bar jubaıynyń jáne úsh balanyń (2013, 2015 jáne 2017 jyldary týǵan) denesin kórgen.

Erli-zaıyptylar birge turǵan, balalary ortaq nekeden týǵan. Páterdegi tártip buzylmaǵan. Polıtsııany joldasy shaqyrǵan.

Basty sózder: Pavlodar oblysy, Qylmyspen kúres,
Joǵary qaraı