Aýa raıy
Astana 5 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodarda voleıbolshylar 4 jyldan beri tólenbegen jalaqysyn alatyn boldy

2020 jyldyń 1 tamyz 2020 06:44

PAVLODAR. QazAqparat - Pavlodarlyq voleıbolshylar men bılik jalaqy bereshegin óteý máselesinde ymyraǵa keldi, dep habarlaıdy Pavlodarnews.kz.

Oblystyq týrızm jáne sportty damytý basqarmasynyń málimdeýinshe, Pavlodar oblysy ákiminiń orynbasary Sáken Shaıahmetov áıelder jáne erler voleıbol klýbtarynyń ókilderimen kezdesken.

Ol sportshylar men jattyqtyrýshylar aldyndaǵy mindettemelerden eshkim bas tartpaıtynyn jáne 2019 jyldyń qarasha-jeltoqsan aılarynda qalyptasqan barlyq qaryz tolyǵymen óteletinin atap ótti. Bul úshin jergilikti bılik demeýshilik qarajat izdestirip jatyr.

«Ókinishke oraı, jınaqtalǵan qaryz - shamamen 100 mıllıon teńge sońǵy tórt jyl ishinde jyldan jylǵa kóship otyrdy, - dep atap ótti óńir basshysynyń orynbasary. - Osy ýaqyt ishinde olar bizdiń demeýshilermen jasalǵan jańa memorandýmdar esebinen jabylyp otyrǵan bolatyn. Bıyl demeýshilik qarajat basqa qajettilikterge, sonyń ishinde koronavırýspen kúres sharalaryna bólindi. Qaryzdyń bir bóligin osy jyldyń sońyna deıin, qalǵanyn jańa memorandýmǵa qol qoıylǵannan keıin óteımiz. Biz qaryzdyń belgili bir úlesin aldaǵy bir jarym-eki aı ishinde tóleı bastaımyz».

Sáken Shaıahmetov qalyptasqan jaǵdaı úshin sportshylardan keshirim surap, Pavlodardyń voleıbol klýbtaryn aldaǵy maýsymǵa bıýdjettik qarjylandyrý salynǵanyna sendirdi.

Alaıda, bıýdjettik zańnama bul qarajattan sportshylar men jattyqtyrýshylarǵa jalaqy tóleýge múmkindik bermeıdi. Sondyqtan oıynshylarmen esep aıyrysý úshin jańa demeýshiler tartylady.

Kezdesýge qatysqan sportshylar men jattyqtyrýshylar quramy - 30-ǵa jýyq adam usynylǵan shartpen kelisti jáne olarmen múmkindiginshe tezirek esep aıyrysýdy surady.


Basty sózder: Oqıǵa, Sport, Pavlodar oblysy,
Joǵary qaraı