Aýa raıy
Astana -25 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodarda jańa modýldik gospıtal paıdalanýǵa berildi

2020 jyldyń 23 qazan 2020 19:59

PAVLODAR. QazAqparat - Pavlodarda modýldik juqpaly aýrýlar gospıtali paıdalanýǵa berildi. Medıtsınalyq mekemeniń ashylýyna oblys ákimi Ábilqaıyr Sqaqov qatysty, dep habarlaıdy QazAqparat tilshisi.

Aýdany 6800 sharshy metrdi quraıtyn gospıtal 200 tósek-orynǵa eseptelgen jáne 20 oryndyq reanımatsııa bólimshesinen, shaǵyn operatsııalyq bólmeden, PTR-taldaýlar júrgizýge arnalǵan zerthanadan, ekspress-zerthanadan, kompıýterlik tomografııa, rentgenografııa, ÝDZ, elektrokardıografııa jáne bronhoskopııa kabınetterinen turady. Statsıonardyń modýldik bloktarynda jeke sanıtarlyq toraptary bar palatalar ornalasqan.





«Bul óte qajet zamanaýı ınfektsııalyq aýrýhana qysqa merzimde salyndy. Ol sapaly medıtsınalyq kómek kórsetý úshin jańa jabdyqtarmen, onyń ishinde kompıýterlik tomografpen, tsıfrlyq rentgen-apparatpen, barlyq palatalarǵa ortalyqtandyrylǵan ottegi jetkizý júıesimen jáne ókpeni jasandy jeldetetin 24 apparatpen jabdyqtalǵan», - dedi Ǵ.Sultanov atyndaǵy oblystyq aýrýhananyń dırektory Arman Musabekov.

Jańa aýrýhananyń qyzmetkerler quramy – tolyq. Munda jatatyn naýqastar sany 100 paıyz bolǵan jaǵdaıda 88 tájirıbeli dáriger men 240-qa jýyq orta jáne kishi býyn qyzmetkerleri jumys isteıdi. Óńir basshysy bilikti maman bolmasa, tipti eń zamanaýı jabdyqtardyń da tıisti nátıje bermeıtinin eske salyp, pandemııaǵa qarsy kúresip jatqan medıtsına qyzmetkerlerine alǵysyn bildirdi.

«Densaýlyqqa qatysty kez kelgen jaǵdaıǵa árqashan joǵary jaýapkershilikpen qaraýymyz kerek. Qurylǵan ınfraqurylym qoıylǵan mindetterdi sheshýge múmkindik beredi dep oılaımyz. Árıne, shamadan tys júkteme bolmaǵanyn, gospıtal múmkindiginshe az jumys istegenin qalaımyn. Men táýlik boıy birneshe aýysymda jumys istegen qurylysshylarǵa alǵys aıtamyn. Densaýlyq pen sáttilik tileımin, ózderińizge, oblys turǵyndaryna qamqor bolyńyzdar», - dedi Ábilqaıyr Sqaqov.





Óńir basshysy oblystyń densaýlyq saqtaý júıesin nyǵaıtý sharalary jalǵasa beretinin habarlady. Oblystyq jedel járdem stantsııasy úshin jańa 109 reanımobıl satyp alynýda. Ottegi stantsııalarynyń sanyn jyl basyndaǵy jaǵdaımen salystyrǵanda alty esege kóbeıtý kózdelip otyr. Ókpeni jasandy jeldetý apparattarynyń sany eki ese ósti, qarashanyń ortasyna deıin ol úsh esege artady. Óńirde qosymsha eki PTR-zerthana iske qosyldy, jospar boıynsha taǵy eki zerthana ashý kózdelgen. Sonymen qatar 580 medıtsına qyzmetkerinen turatyn kadrlyq rezerv quryldy.








Foto: Valerıı Býgaev


Joǵary qaraı