Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodarda jeńil kólik úıge soǵyldy, eki bala zardap shekti

2021 jyldyń 11 sáýir 2021 17:23

PAVLODAR. QazAqparat – Pavlodar oblysynda jeńil kólik turǵyn úıge soǵyldy, zardap shekkender bar, dep habarlaıdy QazAqparat.

Oblystyq Polıtsııa departamentinen málim etkendeı, 11 sáýir kúni saǵat 01.30-da «VAZ – 21099» júrgizýshisi Gagarın kóshesimen kele jatqan. M.Júsip kóshesimen qıylysta «Audi» kóligimen soqtyǵysqan. Ekinshi kólik soqqynyń kúshimen jekemenshik úıge baryp soǵylǵan», - delingen aqparatta.

Saldarynan «Audi» júrgizýshisi men úıde bolǵan eki balaǵa medıtsınalyq kómek qajet boldy.

«VAZ-21099» kóliginiń júrgizýshisi qashyp ketpekke árekettendi. Alaıda ol Jambyl kóshesindegi úılerdiń aýlasynda ustaldy. Mashına aıyp turaǵyna qoıyldy. Atalmysh fakti tirkeldi. saraptamalar taǵaıyndalyp, tekserý júrgizilýde», - dep qosty oblystyq PD-dan.

Ravlodarnews.kz saıtynyń málimetinshe, kólik jeke úıdiń buryshyna soǵylǵan. Baspananyń qabyrǵasy jarylyp, kirpishteri zaqymdanǵan, úı ishinde jylý batareıasy maıysqan. Kereýette uıyqtap jatqan balanyń ústine kirpish qulaǵan.




«Balalar uıyqtap qalǵan edi. Men qoradan shyǵyp bara jattym. Kenet qatty soqqy boldy. Audi qorshaýdy buzyp ótip, úıge soǵyldy. Kirpishter qyzymnyń ústine tústi. Onyń kereýeti dál osy buryshta turǵan edi. Birden jedel járdem men polıtsııa shaqyrym», - dedi úı ıesi Marat Álimov.








Joǵary qaraı