Aýa raıy
Astana -27 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodarda jylý jelisi jarylyp, kópqabatty úıler basqa jelige qosyldy

2020 jyldyń 28 qarasha 2020 09:56

PAVLODAR. QazAqparat - Ábilqaıyr Sqaqov Pavlodardaǵy jylý jelileri zaqymdalǵan jerge baryp qaıtty, dep habarlaıdy QazAqparat.

Bul týraly oblys ákiminiń baspasóz qyzmeti málimet taratty.

Aıta keteıik, keshe saǵat 19:00 kezinde JEO-1 aýmaǵynda jylý jelisi jaryldy, sóıtip Pavlodardyń ońtústik jeli arqyly qamtylatyn ǵımarattarǵa jylý berý toqtatyldy.

Eki saǵat ishinde ońtústik jeli arqyly jylýmen qamtylatyn aýdannyń turǵyn úıleri «Pavlodarenergo» AQ JEO-2 jáne JEO-3-ke qosyldy. Bul óz kezeginde qalanyń jylýmen jabdyqtaý júıesiniń úzdiksiz jumys istep turýyn qamtamasyz etedi.

- Osylaısha biz jylýmen jabdyqtaý jelileriniń aıazda qatyp qalmaýynyń aldyn aldyq. Jylý temperatýrasy tómendeıdi, esesine qubyrlardyń zaqymdalǵan jerin jóndeý úshin ýaqyt utamyz, - dedi «PTS» JShS basshysy Marat Imanaev.

Qazir «PTS» JShS JEO-1 qyzmetkerlerimen birge júrgizilip jatqan jóndeý jumystary 28 qarasha saǵat 10:00-da aıaqtalady dep josparlanyp otyr. Budan keıin ǵana jylý jelileri iske qosyla bastaıdy.

- Eń mańyzdysy – zaqymdalǵan jerdi jóndep, qalany jylýmen qamtamasyz etý. Turǵyn úılerge jylý jetkennen keıin baryp, apattyń shyǵý sebebi men oǵan jaýaptylardy anyqtaımyz, - dep tapsyrdy óńir basshysy Ábilqaıyr Sqaqov.

28 qarasha saǵat 00:10-da óńir basshysy oqıǵa ornyna baryp, jaǵdaıdy baqylaýǵa aldy.

Jaýapty mekeme jylý qalaǵa 28 qarasha saǵat 19:00-ge deıin beriledi dep ýáde etti.


Avtor Janat Qapalbaeva
Basty sózder: Ákim, Pavlodar oblysy, Oqıǵa,
Joǵary qaraı